মাত্তে মাত্তে মারে ফেল্লোন আর্মিউনে |
একদিন। গুরগুচ্যা আন্দারেত্। এক ঝাক আত্যারবলা(ঝারবো)
মানুচ আমা ঘরান ঘিরিলাক। দুঅর খুল দিবাত্যা ক’ধন। ম’ ঝি’বু দুয়োর খুলি দিলে তারে
এক ঠেলাত মাদির মুরগোজে ফেলে তিন চের জন ঘরভিদিরে সোমে মরে বানি নেযাদন। আ একদিনে
মুই চাঙমা লেঘা শিঘেবাত্যাই লক্ষীছড়ি
যাঙর। যাদে যাদে মানিকছড়ি মআমনিত লামিলুঙ। সিযোত ১০/১২জন আর্মি আগন। তারার মদি গদি
গম নেই দিঘি মুই যাদি যাদি লক্ষীছড়িত গাড়িত
উদিবার চাঙর। এই অক্তত এজন আর্মি মরে শাহ্দত কলারত ধরি গাড়িত্তুন লামে ল। মুই সে
আর্মিবুত র’ গিরগিচ্যাগরি পুজোর গজ্জোং: ‘‘মর কি দুষ কবে নি?’’ তারাতাঙরি
তেহ্, কল: ‘‘অন কধা ন কবে। তুই চাঙমা ইয়ান ত দুষ।’’
ও পর্বোয়া লক!
ইয়ান মর বুগত ডরসম্যে এক্কান সবন। পত্থমে নয়। তবে এদক্যে ঝর্-বোয়ের গম যিয়ে। বার
আজার টিক্কে মোবাইল হারি নেযেয়োন আঃ আজার আজার টেঙা জরিমানা ইজেবে দি’পিয়োং। রেত্
সংভাগত ঘরত এ্যাই ডর লাগান। দি’বজর সং ফোন লারছার গরি ন’পাঙ। সিত্যাই মুই কঙ, তারা
রাজনীতি ন’গরন, পেটনীতি গত্তন। মানচেচার চিমত্মা-চেদনা ন’বুচ্ছে গরি বানা বানা
একজনে কলে অমুকে অমুক্কোই পুরমারামারি(যোগাযোগ) গরে। তারা সিয়ান অমহদ গরি বিশ্চেস
যেই দ্বি’ আঙুল্যা এক্কান কাগোজ দ্যুন। লাখ লাখ তেঙা জরিমানা ধরন। ধগে ন অলে পরানে
মারেফেলান। এধক্যে দিন মাধান গঙে দেদন ইক্যে হিলর মানেউন। একজনে গুরুবিজিলে তাত্তুন আজার তেঙা খুধোর
গরি মাগন। আদামে আদামে লাখ লাখ তেঙা খুধোর লোনেই এয ন সুচোন। আঃ শুকুনর কধা দ কোই
ন’ যার। অনসুর প্যাস থোগে থোগে থান। জু ফেলে পাচ বজস্যা গুরবুরে বাদ ন দ্যুন,
ঝাপাদন। জাল শিল বানে জাগা জমি হারি লদন। সাদাসিদে সে চাঙমাবু সাঙেত ন পার কাররে।
ইন্দি গেলে মু নেই উন্দি গেলে মু নেই। হিঙরি বাজানা হিঙিরি? কধা আগে ‘‘অ’ কপাল্যা
যেন্দি যায়, মরা শামুক্কু উদি যায়।’’ এস্যে চাঙমাউন ধক এধক্যে উয়ে। মকউনর আগে ‘‘মারমা
উন্নয়ন সংসদ’’, তিবিরেউনর আগে ‘‘ত্রিপুরা উন্নয়ন সংসদ’’। চাঙমাউন ভাবি
আগন বানা আমা রাজনীতি চেলাউনর মু’য়ানি চেই। সিত্যেই চাঙমাউন দিন দিন বজ যাদন। তারা
এস্যে নানু মরা।
গেলদে ৫ এপ্রিল ২০১৭খ্রি: রমেল চাঙমারে নানিয়েচর
বাজারত্তুন আর্মিউনে ধরি নেযেই ১৯ এপ্রিল ২০১৭খ্রিঃ বানা ছলঙান গজে দ্যুন। দুগর
কধা কলদে অনজনে তারে আহ্দ আগুন দি ন’পান। পেট্রোল ঢালি দিন্যাই আর্মিউনে পুরি ফেলে
দ্যুন বিলি ফেসবুক স্ট্যাটাসত্তুন খবর পা যিয়ে। ইয়ান বানা এস্যে নয়। বাংলাদেজ নাঙে
এক্কান রেজ্য জনম লনার পর হিলত এধক্যে ঘটনা গমি যার। এ পরে কা’ মাধান বাজ ভাঙে
সিয়ান দ খবর পা ন’যার। সুদোমরীতিলোই কো যার,
এস্যে রমেল, ইল্লে মুই.... ... এধক্যে গরি অন রাজনীতি আঃ জাদর কধা কন তারা
একজনয়্যু বাদ ন যেবাক। বানা যারা দুল ধরি জানন তারা বাজি থেবাক। সিত্যাই অক্ত
এইযিয়ে আমাত্তুন মুরত পুরি ভাবিবার, আমল গরি চিদে গরিবার। তুমি কি সিয়েন গরিবা? মর
বিশ্চেস, যুনি জাত্তুরে কোচ প তুমি একজধা অই রাজ পদত লামিবা, জে.এস. এস, ইউপিডিএফ
নয় বেক্কুন আমি জুম্ম সেনা নাঙে পতাকা তলে।
সক্যে জাদর পাত্থলি এম এন লারমা মনান সুখ পেব। মা’ মেদেনী মুহত অজি ফুদিব
পার্বত্য চুক্তি বাসত্মবায়ন অলে। ন অলে রমেল চাঙমাসমুত্তু বেক শহীদত্তুন লো মিজে
অব।
ও পর্বোয়া লক! তুমি চ, যুনিয়্যু আমি সরকার্য্যারে দুষ দি
দি থেলে কি লাভ অব? ইয়ান দ আমা দুষ। আমি সং অই ন পারি। দেঘা যিয়ে একদাগী
সুয়োল(প্রতিবাদ) গত্তে আর একদাগী চোক এরে এরে চেই থেই। দোকনত বোই লালি মারি। নানাঙ মন ভাঙালা কধা কোই। ঝরামাল গরি থেলে আর সচ্ পেবাক।
ইয়ানি আমত্যাই শুভ নয়। আমার ইক্যেেএকজধা অই সুয়োল গরিবার অক্ত। না অয় পিত্তিমীত্তুন বজ
যেবং।
কোন মন্তব্য নেই:
একটি মন্তব্য পোস্ট করুন