ইরুক পিরিহ্

ও ইরুক পিরিহ্!
শুন’ কঙর তমারে
আমল গরি একবার ভাব’
জাত্তো অল’ যাং যাং, থাঙ থাঙ
পুকদাক ছাবা পরি যার,
ছাবা পরি যার মুরল্যা চাদিগাঙ।
ত্যুঅ তোমার উচ (চেতন) নেই?
তমা রংধং দেলে মনে হয়
জুম্ম জাত্তো সান এ পিত্তিমীত আর কেও সুগি নেই।

দেঘর, মা মেদেনি বুক
চিমচিম্যা ধুলু বাজ’ ধুলুগত ঘা অইয়ে
থেপ থেপ লো ঝরে, নালে বেই যার-
চেঙে, মিঙিনি, কাজালঙ, শঙ্খ আর বরগাঙ।
ত্যুঅ উচ নেই তমার?
পিরিহ্’ল্যা মা মেদেনিরে উদুম পাজারি দারু বুধিবো চুমে দিবার।
তুমি আঘ’ এক জগদত, রঙ্গতামাজাত।
ও ইরুক পিরিহ্,
জাদর বিজগর বই পরহ্,
এম.এন. লারমা চেদন বুগত বান’
রঙ্গ তামাজা সারি নেই
এম. এন. লারমা সবন বুগত তুবোল তুল’।
সক্যে,
ন’ থেবং পরসাল্লো সান
দেচ পেবং, পেবং অধিগার।
মন’ সুগে, চিদ’ সুগে গরিপারিবং রঙ্গতামাজা।
ঘুরি পারিবং- পেইক সান-
মোন-মুরহ্ আ রিঝেং তানজাং।