এওজি, খাগাড়াছড়ি: চাঙমা সাহিত্য পত্রিকা: তোমার মা-বাপ নেই, নেই তেঙা তে কি অইয়ে একঝাক মানুচ দ’ আঘন তোমা কায়। ইক্যে তমার বানা একনিমোন গরি লেঘা-পারাহ্ গরিবার অক্ত, নয় পাবজি, ফ্রী ফাইয়ার আ নানান খেলেবার। শিক্কে এক্কান নিধুকতুক/একমাত্র আহ্’ত্যার যে কন’ জিংকানি দোল গরি সাজে দে।
এচ্যে গদা সংসারত এক্কান দরগরে পা বিধি দংগা পিরেহ্ কোভিড- ১৯ লাই মানুজোর আয় ইনকাম নেই। সিত্যাই একঝাক নুঅ ফুদন্দি ফুল ফাগোন মিলি ন’ পাত্তন। সিয়ান বাদেয়্য হিলত “পার্বত্য চুক্তি” বাস্তবায়ন ন’ অনার দাঙর এক্কো শ্রেণী দিককাভুল অই দিনমাধান গঙে দেদন। আঝা-সবন নেই অলে সুয়াই।
এধক্যে খেনত প্রিয়দর্শী_শিক্ষা_কল্যাণ_তহবিল, পাহাড়ী_উদ্দোক্তা_হাট আ মানবিক কল্যাণ সংঘ এ তিন্নো জধা উজে এলাক।
গেল্লে ২৮ আগস্ট ২০২০ ইং শুক্করবার বেন্যা মাধান ১০ টা গরি ৫নং পেরাছড়া ইউনিয়ন হল রুমত এক্কো তেম্মাং খলাত জুগল গরি ২৮ জন গরিব, মা-বাপ নেই, মেধাবি পর্বোয়ারে এ তিন্নো জধা তারা আহ্’দত তেঙা তুলি দিল।
তেম্মাং খলাবোত সুনানু প্রিয়দর্শী চাঙমা খলানানুয়্যা নকবাচ্যা গরবা ইজেবে সরিত অইয়ে, খাগাড়াছড়ি সরকারি কলেজর এজাল সাত্থুয়া সুনানু মধুমঙ্গল চাঙমা আ মুলুক গরাবা ইজেবে সরিল এলাক ভেই-বোনছড়া মিলিনিয়াম হাই ইক্কুলর দাঙর সাত্থুয়া সুনানু তাতু মণি চাঙমা, সমাচ ভালেদি কাম্মো সুনানু ধীমান খীসা, হিলত দাঙর উদ্দোক্তা, বাংলাদেঝর রাষ্টপতিত্তুন দাঙর মান পিয়্যা আ চাঙমা সাহিত্য বাহ্ সল্লাদার সুনানু সুজন চাঙমা আ টিউফা ইক্কুলর এজাল সাত্থুয়া সুনানু দর্শন চাঙমা দাঘি।
তারা সরিত অইয়ে পর্বোয়াদাঘিরে দিককাবুল ন’ ওই এগামনে এগাচিত্তে নিপরভা গরি লেঘা – পরাহ্ গরিবার কুজোলী গরি কলাক- “তুমি দেঝর জাদর এক্কো এক্কো চেরাক/নক্ষত্র। তমাত্তুন বেক পোইদ্যানে চোক রাঘেই মুজুঙে আক্কোই য’। তমা কায় আমি আঘি।
আ এধক্যে কাম বাঙিনি গরি কলাক- ইআনদোই আমি এধক খুজি নয়, আমাত্তুন বেগে উজে এই এচ্যা যারা তেঙা পয়জে দুক্কে লেঘা-পড়া গরি ন’ পাত্তন তারা তগে তগে লেঘা পড়া সমারে যা যিয়ান লাক সে পোইদ্যানে, সে নালে গাইড লাইন অই বেক পর্বোয়াউনর শিক্কে নিপরভা গরি দেনা ওক আমার ইমে।
কোন মন্তব্য নেই:
একটি মন্তব্য পোস্ট করুন