“সুনীতি রঞ্জন তালুকদার-পদ্ম রেণু খীসা শিক্ষা বৃত্তি”র ফাংফগদাঙ অনার হিল চাদিগাঙত নুঅ পোধেক (নতুন অধ্যায়) আরগানি অহ্’ল।
গেল্লে ২ মে ২০২২ খ্রি. ১৯ বোজেক ১৪২৯ বাংলা, ২৫৬৫ বুদ্ধ বঝর, সমবার। চাঙমা সাহিত্য বাহ্ তপ্পেত্তুন “সুনীতি রঞ্জন তালুকদার-পদ্ম রেণু খীসা শিক্ষা বৃত্তি”র ফাংফগদাঙ আ তেম্মাং খলা অই যেল খাগাড়াছড়ি ক্ষুদ্র নৃগোষ্ঠীর সাংস্কৃতিক হল রুমত।
তেম্মাং খলাবোত নকবাচ্যা গরবা ইজেবে সরিত এলাক’ খাগাড়াছড়ি পার্বত্য জেলা পরিষদর মানবলা সদস্য সুনানু নীলোৎপল খীসাদাঘি। আ মুলুক গরবা ইজেবে সরিত অলাক খাগাড়াছড়ি পার্বত্য জেলা পরিষদর মানবলা সদস্য আ চাঙমা সাহিত্য বাহ্ উপদেষ্টা সুনানু সুনানু শতরূপা চাকমাদাঘি, খাগাড়াছড়ি ক্ষুদ্র নৃগোষ্ঠীর সাংস্কৃতিক ইনস্টিটিউট পরিচালক (ভারপ্রাপ্ত), সুনানু জিতেন চাঙমাদাঘি, খাগাড়াছড়ি সরকারি মহিলা কলেজ, ইংরেজি প্রভাষক, চাঙমা সাহিত্য বাহ্ নীতি নির্ধাণী কমিতি সাবাঙ্গি আ বৃত্তি বাছাই কমিতি আহবায়ক, সুনানু কৃতি চাকমাদাঘি, জাতীয়
শিক্ষাক্রম আ পাঠ্য পুস্তক বোর্ড- বাংলাদেশ, চাকমা লিঘিয়্যা সাবাঙ্গ্যি আ চাঙমা সাহিত্য বাহ্ উপদেষ্টা সুনানু আনন্দ মোহন চাকমাদাঘি। উরবোতাতে সরিত অলাক যার ধনর এজালে সুনীতি রঞ্জন তালুকদার-পদ্ম রেণু খীসা শিক্ষা
বৃত্তিবো আরগানি অইয়ে সে যুক্তরাষ্ট্র ওয়াশিংটন ডিসিত বিশ্বব্যাংকর পরামর্শদাতা, তথ্য প্রযুক্তি বিশেষজ্ঞ, CIGNA, বিদেঝত থেইনেইও দেঝর কধা অনসুর ভাবে মানবলা পৈনাঙি সুনানু সুগত তালুকদারদাঘি সুমুত্ত পদ্ম রেণু খীসা আ সুব্রত তালুকদারদাঘি।
সে বাদেও খাগাড়াছড়ি জেলা, পানছড়ি উপজেলা আ দিঘীনালা উপজেলা আ গরা কমিতি চাঙমা সাহিত্য বাহ্ সাবাঙ্গিদাঘি।
খলাবো খলানানু গিরি গচ্ছে চাঙমা সাহিত্য বাহ্ আজীবন আ নীতি নির্ধাণী কমিতি সদস্য, কবি সুনানু রনজিত চাঙমাদাঘি। আ মুকপাত্তি কধগী এল’ চাঙমা সাহিত্য বাহ্ নীতি নির্ধাণী কমিতি জধানানু আ চাঙমা সাহিত্য বাহ্ থিদ’ গরিয়্যা সুনানু দেবপ্রিয় চাঙমাদাঘি। 
খলাপজ্জনি গিরিত গচ্ছোন চাঙমা সাহিত্য বাহ্ গরা কমিতি জধানানু সুনানু ইনজেব চাঙমা আ পানছড়ি উপজেলা ধেলা ভান্ডালি কাবিদ্যাঙ সুনানু পিংকি চাঙমাদাঘি।
“সুনীতি রঞ্জন তালুকদার-পদ্ম রেণু খীসা শিক্ষা বৃত্তি”ত খাগড়াছড়ি সদর: ০৬ জন; পানছড়ি: ০৩ জন; মহালছড়ি: ০৩ জন’ দিঘীনালা: ০৭ জন; মানিকছড়ি: ০১ জন নকবাচ গরা অহ্য়্যা, যুনিও ৯৫ য়ান তুদি জমা পরে। এ সেরে চাঙমা ১৪ জন, মারমা ৩ জন, ত্রিপুরা ৩ জন (বিজ্ঞান বিভাগ-১০ জন; মানবিক: ০৫ জন; ব্যবসাশিক্ষা: ০৫ জন); মুদেমাদে ২০ জনরে পল্যাদি জু দিয়্যা পারা যিয়ে।
এ খলাবোত ২৯৮ নং আসনর এমপি মাচাং কুজেন্দ্র লাল ত্রিপুরাদাঘিরে নকবাচ্যা গরবা ইজেবে সরিত অবার কধা থেলেও তারা জুরুরি দরগার থানার সরিত অই ন’ পারে।
কধগিউনে কলাক, পৈনাঙি সুনানু সুগত তালুকদারর ধনর এজালে হিল চাদিগাঙর নুঅ পোধেক আরগানি অল’। কধগিউনে একামাসত্যাই সুগত তালুকদারদাঘিরে আ চাঙমা সাহিত্য বাহ্’রে বাইনি গরন।
ইনিক্কেন জাত ভালেদির কামত বেগে উজেই এত্তোক।
উত্তরমুছুন