১
স্বাক্ষি থেব’ বিজগত
যুক যুক ধরি তোমা নাঙ
স্বাক্ষি থেব’ বিজগত
তোমা গুনে আন্ধার রেত
ফুদি গেল’ পহ্’র।
মা-বোন মেয়্যা বেক ছারি
লাম্মো জাত ভিলি
ফেলে যেয়ো ঘর
ঝাগে ঝাগে সুর গরি।
সুক কি জিনিচ ন’ পেলা
ন’ দ’ চিনিলা
ঝারে ঝারে ঘুরিলা
রোত পুরি ঝরত ভিজি।
পরান দিলা আমাত্যাই
জুম্ম জাদত্যাই
পিড়ির পর পিড়ি বাজি থেবা
তুমি জুম্ম জাদ’ ইধু।
২
আমাহ্ত্যাই যারা
আমাহ্ত্যাই যারা ফেলাদন ঘাম
তারারে দ্যুঙর মুই ঝু ঝু
মা-ভোন, বাপ -ভেই জাদর চিদেই
নহ্ পাদন তারা ঘুম।
পথ দেঘে দিয়্যা যে আমাহ্’রে
ঝু দ্যুঙর লারমারে
বর মাগঙর দিবাত্যাই
আমাহ্’রে তা তেজআন।
লারমা নীতিআন ধরিনেই
গাভুজ্যা পুঅ/ছা মিলিনেই
ঘাম পুজিবার সময় নেই
কোজে যাদন রান।
আতলাক বন্দার এক্কান ইমে
সরান পেবার লাড়েই
ন’ খেমিবং কন’ জন
থাক্কে পরানান।
৩
সমক খেই
সমক খেই উজেবং মুঝুঙে
মরন আমি ন’ দরেবং
আর কয়দিন গায়সুয়েবং
ভারি বেচ গত্তন।
তাগল কুরোল জাদি চ’
মুঝুঙত যিয়ান সিয়ান ল’
শুন’ ভেই-ভোন লক
মা-ভোন কানদন।
পিত ন’ লামিবং কন’ জন
জীবন যেক্কে গোচ্ছেই পন
শুনি থাগ’ দাগি কধন
মা-বোন ঝাবাদন।
নহ্ বাজিবং কিঙুরি
মুরি জুনি ন’ পারি
উজে এজ’ ধারাদিঘলি
জম্ম জনগণ।
৪
যেই যেই যেই
যেই যেই যেই
জাগি উদ’ জুম্ম ভেই
বোই থেবার আর সময় নেই
আহ্’ত্যার ধুরি উজে যেই
এজ’ ভেই-বোনলক যেই।
রুকসেক ভুগি আহ্’ত্যার ধুরি
যুদ্ধত যেবং সাহচ গরি
দেঝত্যাই আমি পারন দিবং
বাজি থোক জাত ভেই।
সিদিরেউনর পেরাসারে
বাপ-ভেই মত্তন ঝারে ঝারে
বুগর লোই ধালি দেদন
আর্মি গুলি খেই।
ঘুমত এলং এদক দিন
সজ্য গত্তং কদক দিন
আমার জাগা আমি লবং
শত্রæমারি নেই।
মা-ভোনর ইজ্জোত্তানি
বাপ-ভেইয়োর চোগ পানি
ন’ দিবং আর ফেলেবার
বেক্কুন আমি উজে যেই।
৫
মগ তিবিরে চাঙমা ভেই
মগ তিবিরে চাঙমা ভেই
মুরত পুরি ভাবি চেই
মাছ কাঙারা তোগেই খেবার
আরদ’ সময় নেই।
বর ভেই অলং আমি তিনজন
গুও ভেই আঘন আত্তোজন
এগার ভেইয়ে এক্কান কধায়
চলি ফিরি থেই।
আগে আমি ন’ বুঝি
সিত্তেই আমাহ্’র এ গুদি
ঘর তুলিবার ভূই ভিদে
হ্ারেই ফেলেয়েই।
৬
ন’ থেবং আর ঘরত বুজি
ন’ থেবং আর ঘরত বুজি
বাপ-ভেই দেদন ফাঁসি
নিজ’ দেঝত পরবাসী
ইয়ান কি জ¦ালা।
সময় নেই বোই থেবার
যা বুঝিলুং মুই এবার
এধক কিত্তে অনাচার
রেজ্য ভাঙালা।
বুক ফুলেনেই উজে যেই
জাদর কধা ভাবি চেই
আমাহ্ জাদর কিচ্ছুন নেই
বেক্কুন মু কালা।
ম’ কধানি শুননা
মনত বানি রাঘনা
সং সমারে উজনা
মুক্তি গরি চট্টলা।
৭
ভুলি ন’ যেবং
ন’ যেবং লারমা তরে ভুলি
থেব’ জনম্মো ত নিঝেনি
তরে জুনি ইধোত উদে
চিত্তান যায় আহ্’ঙি।
ন’ দেখ্যা জিনিচ দেঘেয়োচ
ন’ শুন্নে কধা শুনেয়োচ
পুঅ/ছা সান পালেয়োচ
দচ্চো জাত ভেই আওচ গরি।
জাত ভেই বিপদত পরিলে
সাতগাঙ সাজুরি তুই যেদে
তারারে উদ্ধোর তুই গত্েেত
ইক্যে কন্না চেব’ ফিরি
দিলান দিনেই খুলি।
পুজুন মনা চোগত কুদিলাক
বুক চেই জাত্তোরে লাত্থেলাক
ভাবি চিন্তে ন’ চেলাক
মা-বাপ, ভেই-বোন কানেলাক
সিয়ান না উদে জ্বলি জ্বলি।
দোল অহি দা
উত্তরমুছুন