Hillor pojjan(হিলর্ পজ্জন)

পার্বত্য শান্তিচুক্তি (২ ডিসেম্বর, ১৯৯৭) স ্বাক্ষরের বছর তিনেক আগের কথা। পার্বত্য চট্টগ্রাম তখন দারুন যুদ্ধ-বিক্ষুব্ধ। সেনাবাহিনীর সঙ্গে পাহাড়ি বিদ্রোহী গ্রুপ শান্তিবাহিনীর রক্তক্ষয়ী বন্দুকযুদ্ধ লেগেই আছে। সেনাবাহিনী তখন অপরেশন চালাচ্ছে দিনের বেলা, আর রাতের বেলা হানা দিচ্ছে গেরিলা গ্রুপ শান্তিবাহিনী। তাদের যুদ্ধ কৌশল: হিট অ্যান্ড রান! পেশাদার সাংবাদিকতার শুরুতে আমি শান্তিবাহিনী প্রধান, গেরিলা নেতা সন্তু লারমার একটি সাক্ষাৎকার নেওয়া সংকল্প প্রকাশ করি সে সময়ের পাহাড়ি ছাত্র পরিষদ (পিসিপি) নেতা প্রধীর তালুকদারসহ কয়েকজনের কাছে। শান্তিবাহিনীর রাজনৈতিক দল জনসংহতি সমিতি গোপনে রাজনৈতিক কর্মকাণ্ড চালালেও তাদেরই প্রকাশ্য সহযোগি সংগঠন হিসেবে পিসিপি তখন পাহাড়ে বেশ প্রভাবশালী। প্রধীর দা আমাকে জানান, দেশের 'নাম্বার ওয়ান ওয়ান্টেড পার্সনের' এমন সাক্ষাৎকারের ব্যবস্থা করা কঠিন হবে। তাছাড়া এতে জীবন ঝুঁকিও আছে বৈকি। তবে তিনি এর আয়োজন করার চেষ্টা করবেন। একদিন ঢাকায় প্রধীর দা এসে দেখা করেন আমার তখনকার কর্মস্থল, বার্তা সংস্থা নিউজ অ্যান্ড ফিচার সার্ভিসের ধানমণ্ডির অফিসে। তিনি ...

সনমজ্যা ভাঙি যানা কধা (অনুভূতি ব্যক্ত): চাঙমা সাহিত্য বাহ্ ১৯ বঝরর ঈয়োত অদে বুঝি পাচ্যে আজলে চাঙমাউনর খরত জনম অনার তার স্বার্থকতা অয়ে। যিক্যে গরি শুদ্ধ ধনর ঘরত সিদ্ধার্থ জনম স্বার্থক অল’ গেল্লে কেল্যা ১৫ মার্চ ২০১৯খ্রিঃ বাংলা চোত মাচ ১ তারিক। বৈশালী অনুত্তর এক যধা যুব পরিষদ (বায়েপ) এ সিজি সাত বারর জনমপুর এ পোইদ্যানে দাঙর এক্কান কেজ্জো অই যেল’। এ কেজ্জোআন’ ফুল বারেঙ সাজেলাক- বায়েপ’র নুয়ো কমিতি বানানা, গুণীজনউনরে মান গোজানা, তেম্মাখলা আ সাংস্কৃতি ফাংশান্নোই। বেন্যা ১০ টাত্তুন ধরি কেজ্জোআন আরগানি অই বেল ধুবন্দি সলাত থুম গরা অয়ে। ফাংশানানত বায়েপ’র জধানানু দাঙগু সুহেন জ্যোতি চাঙমা খলানানু অই কধা পজ্জোনী দাঙগু কিংসুক চাঙমা পিন্টু বেল্যা মাধান তেম্মাখলা, গুণীউনরে মান গজানা আ সাংস্কৃতিক কেজ্জো আন আরগানি অয়ে। ইয়োত নকবাচ্যা গরবা এল’ ভেইবোনছড়া ইউনিয়ন চেয়ারম্যান দাঙগু পরিমল ত্রিপুরা আ মলুক গরবা ইজেবে যারা এলাক- ভাই বোনছড়া মিলেনিয়াম হাই ইক্কুলক বেগ’ দাঙর সাত্থুয়া (প্রধান শিক্ষক) দাঙগু টাটু মণি চাঙমা, মুণিগ্রাম হাই ইক্কলর দাঙর সাত্থুয়া দাঙগু শ্যামল মিত্র চাঙমা, মিশ্র ফল চাষে জাতীয় পর...

INJEB CHANGMA · মঙ্গলবার, 19 ফেব্রুয়ারি, 2019 এত্থে এল এক রাজা। তার কন’ রাজকুমর আ কুমরি ন’ এল’। একদিন শিগেরে যেনেই এক্কো মিলে ছ’ ঝারত ইদু পেল। পেনেই ভারী খুজি রানিয়্য। খুজিয়ে রাজঘরত দাঙর এক্কান তামাশা অই যেল’। সে মিলে ছবোরে তারা রাজকুমরি সান দাঙর দিঙর গরি গাভুর গরিলাক। ইক্যে বো দিবার অক্ত এনেই রাজা রাজ দাগি কল’- “এ পিত্তিমিত বেগত্তুন বেচ শক্তি, তেজ বলা তারলোই রাজকুমরিরে বো দিম”। মাত্তর, দিন, মাচ, বঝর ভিদি যেল’ কন’ জনে কু ন’ ধরন। সিত্তেই একদিনে রাজা মনে গরে বেগত্তুন বেচ শক্তিশালি বেলান। সে বেলানর ইদু যেল। বেলানে রাজা দিঘি ঝু জানেল আ কল- “কর্তা, কিত্তে এলে নিনা?” রাজা কল- এ পিত্তিমিত ম’ চোগত তুই বেগত্তুন বেচ বলি তত্তুন খামাক্কাই ম’ রাজকুমরিরে লোই পরিব। বেলান কল- কর্তা, মুই বলি নয়। মরে কাক্কে ঘেক্কানি ধাগি দে। সেধক্যে অলে তুই ঘেক চাগা ইদু যেই পারচ। রাজার মেক চাগা ইদু যেল আ তার মন তিরোজ’ কধা ভাঙি কল। মেক চাগাবো রাজা কধা শুনি কল- কর্তা! রাজকুমরিরে পানা দাঙর এক্কান ভাগ্য। ত’ কধা শুনি মুইয়্য খুজি। মাত্তর! পবনে মরে কাক্কে এ মাধাত্তুন ঐ মাধাত গরি রাঘার। তা সমারে বলে ন’ পারঙ।...

এত্থে এক আদাম। দিঘলী আদাম নাঙ তার। সে দিঘলী আদামত এল’ পরানি মা নাঙে এক্কো রানি মিলে। পরানি ক্লাশ ফাইভত লেঘা পরের। বেন্যা যাদি ঘুমত্তুন উদি তারা ঘরর কায় কুয়োবত্তুন পানি আনি দি’ কাম যেল’ পরানি মা। ইন্দি পরানি বেন্যা এক্কা এক্কা বেল ছদক ফুদি এত্তে সানাত অংক গরের। অংক গত্তে গত্তে চাইদ্যা ভাত রানিবার অক্ত খরেই যার। তে কিজেখিচ্যা গরি ভাদে’ তাবাবো পাহ্’ত দিল’। মাত্তর ছরবো ধাগিবার ইধোত ন’ এল।এনে এনে আর অংক গরা বল’গি। সে ভাদ’ তাবা যে পিলেবোলই দিয়্যা সিয়োত এক্কো বেঙ এল। প ানি আন যক্যে এক্কা এক্কা গরম অই এযের বেঙগোই চিদে গরের ঝাম দিন্যাই যেব নিনা? আর ভাবেব না কাক্কে তে যেম্মোই। এধক্যে গত্তে গত্তে পানি আন যক্যে বেচ গর অল’ ফুদিল’ সক্যে তার ঝাম দিবার বল নেই। এনে এনে সিয়োতও বেঙগো মরি যেল’। ও ভাপ ভেই-মা, বোল লক! আমা দজায়্য কি এ বেঙগোই সান নিনা? আমি কক্কে নিজ’ জাত্তোরে কোচপেবং, নিজ’ দেচ আনরে কোচ পেবং? না’ এ বেঙগো সান যক্যে বল থুম অভ’ সক্যে তে বুঝি পারিবং। তুমি খবর প’? হিল চাদেগাঙ এ ধক্যে ন’ এল’। এ মিঙিনি বামত এধক্যে মানুচ ন’ এলাক। ইআন এল’ রিজেপ। বাক, ভালক, অহ্’রিং, চোঙরা, সাপ, পেইক বেক পরান ...

মুই সে ডুয়ো ভাঙা পেইক- গাজত থুপ থুপ ফুল, ফাওন সে সিমে ফুলত ন’ পারঙর ফুলর তুম্বাচ নি; তোরঙর বানা মন’ বললোই দোল পিত্তিমিত আন্ধার জিংকানি। মুই সেই সাগর মাঝি- পেদ’ তিলো কাবে তুবোলত সিগোন এক্কান নত(নৌকায়) অনসুর বাঙর পাঙেই; লুমিবং একদিন- আজার তুবোলর বুক ছিরি বিজয়গিরি, রাধমনর খুচ আহ্’দে বুগত অতালিয়ে সবন আ আঝা বানি বিজগর সেই সাল্যাঙত। ১৭/০২/২০১৯ খ্রি. ৩:৮ পিএম

কুলি যুগর কুলি পুঅ-ছা ন’ শুনিবং কারর কধা বুড় কধা কুর’ ঘু ন’ চান আর তারা কারর মু। তারা কি চান? চেরোপালা সিসি ক্যামরা রক্কে গরিবার তেঙা পয়জ্যা মাত্তর! তারা পুঅ-ছাউন খান ইয়াবা। তেঙা পয়জ্যা তেজে গাড়ি ঘোড়া বেজে (দাপটে), ঘুরি বেড়ান ন’ দেঘন কাররে- তারার মুজুঙে বুক চাপরে চাপরে কনদে ধারা ধারা চোগ’ পানি ফেলাদে। পুরানি সুদম আঘে- তিন দিন্নে উপস্যা সাত দিনে উপস্যারে তোরায় সে সুদমে চলিলে জাদর মুক্তি মিলিব’ কুলি যুগর কুলি খুমও এবার আমি ভাঙিবং। ইআন কুজোলী বেগ’ ইদু।

কলি যুগত পুজি খেলা কি চান তারা? তারা চান- তারা আমা জিল কাবি দিবার চান আমা চোকউন মালা বানি দিবার চান তারা আমা ঘিলুকআনি অন্য ঘিলুগত মিজে দিবার চান আ কানানি ধিবে দিনেই কাল বানেবার চান তারা আমা রত-বল অকেজো গরি দিবার চান তারা পিড়ি পিড়ি আমা নোনিয়ে পুঅ-ছাউনরে চান তারা দাস বানেবার।

 ৩০ জানুয়ারী ২০১৯ খ্রি. দৈনিক কালের কন্ঠ মুই বার বার কঙ, আমা চাঙমা জাত্তো যুনি পিত্তিমী বুগত মাজারা রাঘাদে বারি আগাথ্যা খেন অই এযের। কালা দিন বা কাল খেন আর কধক গঙে দিবং! কি গমি ন’ যায় চাঙমাউনর মাধা উগুরে? সিআনি কি এক্কায়্য ইধোত ন’ উদে? সে মিজিলিক দর, কুকি দর, মুখোশ বাহিনী দর, বাধি দর, জাত - বেজাদর দর সমুত্তু দেবানে দেবানে কোল বাজেই ২২ মুউজ’ চাঙমা কাবি পেলাক। সে দর এয’ থুম ন’ অয়। অনসুর এক বুক দর নিনেই কিঝু নুয়ো পিড়িউন কাম গরি যাদন। তারা কোনা-কুনি, গনা-গুনি সেরে মা ভাচ্ছান বাজে রাঘেবাত্তে রোদে পুরিহ্, ঝরে ভিজি আনুনি নুনচো আঙুল’ মাধায় মাধায় ভাত খেই আ কন’ সময় অনা ভাদে এ মুরহ্’ত্তুন ও মুরহ্’ত ভঙি বেরাদন। ইক্যে তারা গণ প্রজাতন্ত্রী বাংলাদেচ সরকাররে এজাল দিবাত্তে দিঘীনালা, পানছড়ি, মালছড়ি সরকারী প্রাইমারি ইক্কুলাতি “ম’ বই’বো পড়েবাত্তে আক্কোই এলাক। সিআন গেল্লে ৩০ জানুয়ারী ২০১৯ খ্রি. #দৈনিক কালের কন্ঠ ফগদাঙ অয়ে- পাহাড়ে স্বেচ্ছাসেবী সংগঠণ ‘চাঙমা সাহিত্য বাহ্’ অন্ধকারে আলো শিরো নামে ফগদাঙ অয়্যা। কধা এল’ তারা ফেব্রুয়ারী ভাঝর মাজত্তুন ধরি ক্লাশ আরগানি গরিবাক সাপ্তায় এক দিন। ...