আমনর আন্দাচ পাগলেয়্য বুজে

বিঝু,

চাঙমা জাদর এক্কো দিন বঝর শেজত এযত ফিরি 
কু কু কোগিল গীদ’ সুরে, 
কাত্তোল পাফোকর আ বিঝুর পেইকর দাগনিত
ভরি তুলি গাবুচ্যা-গাভুরির উব’ গীদে;
রাধামন, ধনপুদির সেই খেংগরঙর সুরে সুরে।

বিঝু,
তুই এযর খুজ’ র’ শুনিলে
আদামে আদামে গুরো-বুরোহ্, গাবুচ্যা-গাভুরি কন উলমত্ত
আদামর সেই বট গাজ’ ত’ বেইয়ে ধেলাত
ঘিলে লুদিলোই থাঙান দোলন
নাধেং, ঘিলে খারা অই তরে বিদেয় দ্যুন।

জগরা মাত্তলে
ঘরে ঘরে গীদে রেঙে
গুজুরি গুজুরি উদে খুয়োঙ।
সে দিন নেই ২০১৯ বিঝু,
কোগিল - কাত্তোল পাফোক আ বিঝুর পেইক
বুঝি যিয়োন, 
চাঙমা উন আঘঙ অগুর আন্দারত।

সিত্তেই কোগিল সুর নেই, 
নেই কাত্তোল পাফোকর আ বিঝুর পেইকর দাগনি!
ভাবি চ’ মানেই লক,
কি দিন চেলং
আ কি দিন পেলং
যিআন কন’ জন আঝা ন’ গরি।