মর এক্কান পুজোর- আমা পাজানি কি বানা মানচ্ছোর বান্নেআনি তগানা?
শিব খেরার তুমিও জিতবে বইবোত এক্কো চিগোন গল্প আঘে। সিবে এধক্যে-
একদিন এক বন্দা তা সিয়েরি কুগুবোরে নিনেই সিয়েরত জেলাক। কুগুবো পানি উগুরি ধাবা দিন্যাই আহ্’চ ধরি আনিল। তা সমাজ্যাবোত্তুন পুজোর গরে তা কুগুরবো নিনেই তার কি কবার আঘে নিনা?তা সমাজ্যাবো কল’ ত’ কুগুবো সাজুরি ন’ জানে।
এ কধাআনর কনা কলদে বেচ গধেল দিন অহ্’ল আমা চাঙমা উনর ভিদিরে কি এক্কান সম্মে সিআনি নিঘিলি এজের। পল্লে ভান্তেউনরে নিনেই লেঘা-লেঘি, সে পরে কবি-সাহিত্যিকউন। আ ইক্যে শিল্পীউন। এধক্যে কধা এজের কঠিন চিবর দান শিল্পী। মানে মুই জিয়েন বুঝিলুং যারা কঠিন চিবর দানত গান গান্নোই তারারে বোঝেউন।
আরাং কধাত এজং। মুই চিগোনত্তুন ধরি দেঘঙর, শুনঙর। জার চোক থের তারে থেরা-থেরি দাগির। অথচ তার আর এক্কান দোল নাঙ আঘে। জিয়েন তারে দাঘিলে তে গম পায়। লেং অলে তারে লেঙ্যে দাঘির, ............. এধক্যে গরি জার জিয়েন অপুরন তারে সিআন ওচ গরি দাগির।
সালেন, ইআন কি আমা পাজা (বৈশিষ্ট্য/আচারন)?
কণ্ঠ শিল্পীউনর গধেল গধেল গুনর সেরে এক্কান গুন অলদে- তারা ভাচ্চানরে ভালেদি গত্তন। কুনা-কুনি সেরে বেল্যা সাচ লামি জেলে নেগে-মোগে সে গানুন শুনদন।মাত্তর! এচ্যে জারা আমি জাত কোচ পেই কোর তারা কয় জনে ডিম্মোরে বদা কোর, মাংসআনরে এ্যারা কোর?
এধক্যে গরি এচ্যা জারা সমাজত আঘি তারার দেচ বানেবার বেগর চিগোন দাঙর কাম গত্তন। জাত্তোরে ভালেদি পদত আনিবাত্তে জার জেত্তমান সেদাম আঘে সে ধক্যে গরি কাম গরি জাদন। জেন এক্কান গিরি কধা কোই। একজনে ভাত রানে, একজনে দুক কামত জায়, বাজারত জায়, কুরো আদার দের। অর্থাৎ কবার চাঙর ঘর-গিরি ভালেদিত্যাই কনে কি গরে সে ইজেপ গরি পারা ন’ জায়।
মাত্তর, মুই জনি ভাত রানং আ মুই জনি কং ম কামান দাঙর। সক্যে বেজাল দেঘা দেয়।
শেজে কোম- নলাক মণি বিদ্যা কনে কি পিয়্যা, সিআনি আমি দোলে দোলে গরিবং। মাত্তর, কাররে হিচ গরি নয়, বেক কামানি ভজমান (সম্মান) গরিনেই। দুরত্তুন চেনেই বেক রিমিঝিমি দেঘে। কায় থেনেই সিআনি আমি তলবিচ গরি জেবং। জার জিয়েন নাঙ তারে সে নাঙে দাগিবং, ন’ দাগিবং থেরা-থেরি তা চোক্কুন ক্যাঙর অলেও।
কোন মন্তব্য নেই:
একটি মন্তব্য পোস্ট করুন