চাঙমা সাহিত্য বাহ্ নুঅ গরা কমিতি আরা অয়্যা

 চাঙমা সাহিত্য বাহ্ ২০৫১ ভিশন পত্থমে গরিবাত্যা গেল্লে ০৮আগস্ট ২০২০ ইং রেত ০৮:০০ টায় চাঙমা সাহিত্য বাহ্ নীতিনির্ধারণী কমিতি চাঙমা সাহিত্য বাহ্ গরা কমিতি, সল্লাদার কমিতি, পাবলিসার্শ কমিতি ফগদাং গচ্ছে।তারার মেয়াদ ০৮-০৮-২০২০ -০৮-০৮-২০২২ ইং সং।

কোই যায়- গেল্লে ১৩ জুলাই ২০২০ইং কবি, লেঘিয়্যা জনাব মোয়াজ্জেম হোসেন আলমগীররে সল্লাদার কমিতি বানা পোইদ্যানে সোসাল জগদত নানান কধা উদি এযে। সে পোইদ্যানে ১৭ জুলাই ২০২০ ইং বেল্যা মাধান তিনতা বাজি নীতিনির্ধাণী কমিতি চাঙমা সাহিত্য বাহ্ কামানি বন্ধ গরি দেয়। থিক ২১ দিন পর গেল্লে কেল্যা নুঅ কমিতি ফগদাঙ গরানা সমারে সমারে চাঙমা সাহিত্য বাহ্ বেক কাম গরিবার কোই অইয়ে।

সুনানু ইনজেব চাঙমারে জধানানু, সুনানু প্রজ্ঞা আলো তালুকদাররে দাঙর কাবিদ্যাঙ আ সুনানু রিমি চাঙমারে ভান্ডালি কাবিদ্যাং বানেনেই ১১ জনর সাবাঙ্গীদাঘিরে নিনেই নীতিনিধার্ণীয় কমিতি জধানানু সুনানু দেবপ্রিয় চাঙমা দস্তগে চাঙমা সাহিত্য বাহ্ ২০৫১ ভিশন পত্থমে গরিবাত্যা এ কমিতিবো বানা অইয়ে কধা কো কোইয়ে।