এচ্যে দিন্নো খুব সাতকাম। এ দিন্নো ইধোত থেব’। তুমি যে কামান গরি যর, জাত বাজেবাত্যাই। এ কামান এমপি মন্ত্রী অলেয়্য গরানা সম্ভব নয়, যা তুমি নিআলচি গরি কাম গরি যর কধায়ান কোই বাংলাদেঝর সংসদ সদস্য (সংরক্ষিত মহিলা আসন নং- ৯) পৈনাঙি মানবলা সুনানু বাসন্তী চাঙমা।

সুনানু বাসন্তী চাঙমাদাঘি কধা কনা অক্তত ছবি তুল্যা - সুনানু সুপায়ন চাঙমা

চাঙমা সাহিত্য পত্রিকা ডেস্ক: এচ্যে দিন্নো খুব সাতকাম। এ দিন্নো ইধোত থেব’। তুমি যে কামান গরি যর, জাত বাজেবাত্যাই। এ কামান এমপি মন্ত্রী অলেয়্য গরানা সম্ভব নয়, যা তুমি নিআলচি গরি কাম গরি যর কধায়ান কোই বাংলাদেঝর সংসদ সদস্য (সংরক্ষিত মহিলা আসন নং- ৯) পৈনাঙি মানবলা সুনানু বাসন্তী চাঙমা। 

চাঙমা সাহিত্য বাহ্ কামানি মনত পরি এ কধা কোইয়ে। তে আর’ কোইয়ে চাঙমা সাহিত্য বাহ্ সমারে আঘে থেব। আ যার যার মা-ভাচ শিঘিবার কুজোলী গরে বেক্কুনরে।

 

২০৫০ ভিশন ভালেদি ওক- “ত্রিশতিন জাদির ভাচ পারানা এক্কান দাঙর গুন মাত্তর, তার আগে নিজ’ ভাচ, নিজ’ লেঘা শিঘানা সাতকাম” এচ্যে এ মুলুক কধায়ান মুজুঙে রাঘেই চাঙমা সাহিত্য বাহ্ পানছড়ি ধেলা তপ্পেত্তুন চেঙ্গী সারিবালা স্মৃতি মহাবিদ্যালয় (পুজগাং, পানছড়ি) হল রুমত ৯০ জন চাঙমা পর্বোয়াদাঘিরে সার্টিফিকেট দেনা খলাবোত নকবাচ্যা গরবা ইজেবে সরিত অইয়ে বাংলাদেশ একাদশ জাতীয় সংসদ সদস্য (মহিলা আসন নং- ৯) সুনানু বাসন্তী চাঙমাদাঘি, মুলুক গরবা ইজেবে আহ্’জিল এলাক- পানছড়ি উপজেলা প্যানেল চেয়ারম্যান, চেঙে কুলর পৈনাঙি পুঅ মানবলা, সুনানু চন্দ্র দেব চাঙমাদাঘি, পানছড়ি উপজেলা অবিভাবক নির্বাহী কর্মকর্তা জনাব তুহিদুল ইসলামদাঘি, জাতীয় শিক্ষাক্রম পাঠ্য পুস্তক বোর্ড- বাংলাদেশ এ চাঙমা

লেঘিয়্যা/লেখক সাবাঙ্গী/সদস্য, আল্যাকদারি, চাঙমা সাহিত্য বাহ্ সল্লাদার মানবলা সুনানু আনন্দ মোহন চাঙমাদাঘি, যার দোল কামত্যাই বাংলাদেঝর পৈনাঙি টিভি অনুষ্ঠান “ইত্যাদি” সুমুত্ত মানবাধিকার সংস্থাত্তুনয়্য সম্মাননা দিয়্যা অইয়ে সে মানবলা সুনানু চঞ্চল কান্তি চাঙমাদাঘি, লতিবান ইউনিয়ন চেয়ারম্যান, কিরণ ত্রিপরাদাঘি, উল্টাছড়ি ইউনিয়ন চেয়ারম্যান, সুনানু বিজয় চাঙমাদাঘি, কাচালং কলেজ প্রভাষক, কবি, লেঘ্যিা মানবলা সুনানু লালন কান্তি চাঙমাদাঘি, বাংলাদেঝর পৈনাঙি উদ্যোগত্তা, চাঙমা সাহিত্য বাহ্ সল্লাদার মানবলা সুনান সুজন চাঙমাদাঘি, চাঙমা সাহিত্য বাহ্’রে কোচপিয়ে, কবি, নাট্যকার আ পানছড়ি বাজার হাই ইক্কুলর সাত্থ/শিক্ষক মানবলা সুনানু সবিতা চাঙমাদাঘি, চেঙ্গী সারিবালা স্মৃতি মহাবিদ্যালয়র মুরখাম/অধ্যক্ষ মানবলা সুনানু কিরণ চাঙমাদাঘি, চেঙ্গী সারিবালা স্মৃতি মহাবিদ্যালয়র এজাল সাত্থু/প্রভাষক মানবলা সুনানু স্মরণিকা চাঙমাদাঘি, সুনানু ইনজেব চাঙমা, জধানানু, চাঙমা সাহিত্য বাহ্ গরা কমিতি। খলাবোত খলা গিরি গচ্যে চাঙমা সাহিত্য বাহ্ পানছড়ি ধেলা জধানানু সুনানু বিভাস চাঙমাদাঘি। আ খলা পজ্জোনিগিরি গরিলাক চাঙমা সাহিত্য বাহ্ গরা কমিতি দাঙর কাবিদ্যাঙ, সুনানু প্রজ্ঞা আলো তালুকদারদাঘি আ সাবাঙ্গী সুনানু চিত্তি চাঙমা দাঘি। মানগজনি কাগোচ্ছান পচ্যে চাঙমা সাহিত্য বাহ্ পানছড়ি ধেলা দপ্তর, তথ্য আ গবেষণা কাবিদ্যাঙ সুনানু রুপিয়া চাঙমাদাঘি। পাত্তুরুতুরু কধগী এল’ চাঙমা সাহিত্য বাহ্ পানছড়ি ধেলা দাঙর কাবিদ্যাং, সুনানু দেবতায়ন চাঙমাদাঘি।