এল’ ঝল্লপল্ল পানি গাঙত সক্যে, কিজেক কারি সুয়োল গরি।
যক্যে, হিল চাদিগাঙ অহ্’ল’ দাঙদাঙ্যা, তাককুল,
গাঙ পানি গেল’ শুগেই সক্যে, আমি অহ্’লর!
ইয়ান কি আমার ফাজা?
নেই সুয়োল, উগুদো আমনে আমনে রেনা-রেনি।
ধর্ম, রিদিসুধোম, আল্যাক, রাজনীদি নিনেই থানা থানি।
ইয়ান কি আমার মুজুঙে আক্কোই যানা?
ত্যুঅ, ইয়ানি দিঘিও মুই এয’ বুক বানং -
কাপ্তে গদা আমার বানা অভিশাপ নয়, আর্শীবাদ।
কাপ্তে গদা পানি তুবোলে গোদা পিত্তিমিত ছিদি পরিলং
বোজেক্যা শিমে তুল’ বোইয়েরে উরানা সান।
আজার সহস্র সবন বুগত বানি পোত্যা ঘুমত্তুন উদং আজি আজি
পুগ’ মোন’ মাধাত রাঙা বেলান দিঘিম রাঙা দোকদোক্যা গরি।
দিন্নো যে যেই কাম গরি বেল্যা, সাচ লামি
সাজন্যা অলে ঘরত ফিরি, বেক্কুন আমি জুম্ম জাদি।
কোন মন্তব্য নেই:
একটি মন্তব্য পোস্ট করুন