আগাজত যেধক কালা মেঘ চাগা উদিলে উদোক, দেবাবো যেদধক ঝিমিলানি ঝিমিলোক, আমি কি বোই থেবং? না, বোই থেবার সময় নেই। আহ্ল্যায়ে বেল আহ্লে যার সময় নেই বোই থেবার।মহালছড়ি কলেজত চাঙমা লেঘা শিক্খা কোর্স। ভিডিও এডিট- প্রকাশ চাঙমা

সন্তু লারমা- Golam Mortoza

             
                                                                       সন্তু লারমা
এখন পাহাড়িদের নিজেদের ভেতরের বিভেদ দূর করা দরকার। পাহাড়িদের অনুধাবন করা দরকার কারা উপদল গঠন করে অস্ত্র -অর্থ দিয়ে বিভেদ তৈরি করে রাখছে। পাহাড়িদের একটি অংশ জীবীত সন্তু লারমার গুরুত্ব উপলব্ধি করতে পারছেন না। যেভাবে উপলব্ধি করতে পারেননি জীবীত এম এন লারমার গুরুত্ব। এমএন লারমাকে হারিয়ে, কি হারিয়েছে সেটা তারা এখন উপলব্ধি করতে পারে। সন্তু লারমা যেদিন থাকবেন না, সেদিন তারা বুঝবেন কি হারালেন!

সন্তু লারমার অনেক দোষ -ত্রুটি নিয়ে আলোচনা করা যাবে। কিন্তু একথা ভুলে গেলে ভুল হবে যে, সন্তু লারমার চেয়ে বেশি পাহাড়িদের স্বার্থ আর কেউ দেখে না। তিনি পাহাড়িদের পণ্য বানিয়ে কখনো আপোষ করেন নি। দীপঙ্কর তালুকদাররা যা প্রতিনিয়ত করেছে।
প্রত্যাশা করি, মনেপ্রানে চাই উপদলকে প্রত্যাখান করে,সন্তু লারমার জীবীত অবস্থাতেই পাহাড়িরা তার গুরুত্ব উপলব্ধি করে একত্রিত হোক।

এক্কান দোল সাম্বাদ-

“চাঙমা সাহিত্য পত্রিকা” ১৪পয়ধেবো এ বজর বিঝু ফগদাঙ গরা অ্য়্যা।নানাঙ অনটনে ৯ বজর সং ফগদাঙ গরি ন’ পারি। এচ্যে যারা চাঙমা সাহিত্য বাহ্ত কাম গত্তন তারার এজালে আ খাগাড়াছড়ি ক্ষুদ্র নৃগোষ্ঠী দভাকাদি সুনানু সুসময় চাঙমা এজালে ঘুরগুচ্যা আন্দারত্তুন পহর মু দিঘিল।
এচ্যে যারা মন এজান, ধনর এজাল/বিজ্ঞাপন দিলাক তারারে ঝু ঝু আ ভালেদি জানের।
...

তে, আর’ আমা পর্বোউনরে কুজোলী গরিম, চাঙমা সাহিত্য পত্রিকা পড়ি চাঙমা সাহিত্যরে মুজুঙে আক্কোই নিবাত্তে।
তুমি তমা কপিবো থোবেই ল’।
#০১৫১৬১৯৫৩৬৬, ০১৯১৬৯৯৩২২২(বিকাশ)।

পার্বত্য চট্টগ্রামত আদিবাসী মানুজর মাধাউগুরে বনা বনা কালা মেঘ

“পার্বত্য চট্টগ্রামত আদিবাসী মানুজর মাধাউগুরে ইক্যে বনা বনা কালা মেঘ”- দীঘিনালাত ২৫৬২ বুদ্ধ জয়ন্তী পয়ধেনে ধর্ম খলাত এ কধান কোইয়োন।

পা: ভিক্ষু সংঘ দিঘীনালা উপজেলা ধেলা উদ্যোগে দীঘিনালাত  ২৫৬২ বুদ্ধ জনম পয়ধেনে গোদা পিত্তিমিত শান্তি থিদব্বরীত্তেই বেন্যা মাধান ৮:১৫ মি. দিঘীনালা তপোবন বৌদ্ধ বিহার’ উদোনত আজার আজার ধর্ম প্রাণ দায়ক-দায়িকা এগত্তর অই এক সমারে পৈণাল গরি দিঘীনালা থানা বাজার, শান্তিপুর, মিলনপুর, বরদাচমণি ব্রিজ, লারমা স্কোয়ার, গুরি তপোবন বিহারত থুম অনার লগে লগে বুদ্ধপুজ’ বুদ্ধমূর্তি,সংঘদান,অষ্টপরিস্কার দান পিন্ডুদানসমুত্তু নানাঙ দান  শেজে ধর্ম খলা বজে। এ ধর্ম খলাত পুজ্জো ভিক্ষুনে এ কধান কোইয়ুন। তারা মন ভাঙি ফেলে কোইয়োন, আমি আহত্যার ধরিনেই যুদ্ধ গরি ন’ পারিবং। কিত্তেই আমার ইংসে, পিজুম বেচ ভারি যিয়ে। ম্যান্ডেলা কধা টানিনেই কোইয়োন, ম্যান্ডেলা মৈত্রীলোই দেচ স্বাধীন গচ্ছে তা সান আমায়্য স্বাধীন পাদে আমার আমর মৈত্রী লাগিবো। সিত্তেই ভেইয়ে ভেইয়ে হেনা হেনি, রুঘরুক্যা গরি ন’ থেই মৈত্রীলোই এক জধা অই যুদ্ধ গরিবার রাজনীনি চেলাউনর উদিজে এ কধা কোয়োন।

এ ধর্মখলাবোত ৩নং কবাখালী মৈত্রী বিহারের অধ্যক্ষ ভদন্ত বিশুদ্ধানন্দ মহাস্থবীর খলানানু আ নকবাচ্যা গরবা ইজেবে কধা কেইয়ে, উপজেলা পরিষদ চেয়ারম্যান নব কমল চাকমা।

ধর্মখলাবোত মুলুক গরবা ইজেবে কধা কোয়োন, উপজেলা পরিষদ নারী ভাইস চেয়ারম্যান গোপাদেবী চাকমা এবং সুসময়ত চাকমা। তারা বাদে আর’ মুলুক গরবা ইজেবে কধা কোয়োন, ২নং বোয়ালখালী ইউনিয়ন পরিষদ চেয়ারম্যান চয়ন বিকাশ চাকমা, ৪নং দীঘিনালা ইউনিয়ন পরিষদ চেয়ারম্যান প্রজ্ঞান জ্যোতি চাকমা। আ ধর্মদেশনা দুয়োন ভদন্ত চন্দ্রকীর্তি স্থবির,  ভদন্ত মঙ্গল জ্যোতি চাকমা, প্রজ্ঞা জ্যোতি মহাস্থবির, আ  পার্বত্য ভিক্ষু সংঘ বাংলাদেশ দীঘিনালা উপজেলা কমিটির এজাল ফগদাঙি কাবিদ্যাঙ  করুণা বংশ ভিক্ষু দাঘী।

ধর্মখলা থুম অনার লগে লগে যারা যারা মু দেঘেয়্যন সে পূর্ণর্থীউনরে আ দিঘীনালা আহসপাতালত অসুক্কেউনরে খেবার দরপ ভাক গরি দুয়োন।

সু-খবর কি ন’ পেবঙ?

ফেসবুক খুলিলে দুগ’ কধা। আমা জাদর নানু কোলেয়ে চেলাউন জাদর অধিগার পেবাত্তে এধক জিদিজিত্যা কাম গত্তন অনসুর এক আদামত নয় এক আদামত মা-বোনর মরা কিজেকে আগাচ গুজুরি উদে। আমি কি তমাত্তুন কি কন’ সু-খবর ন’ পেবং?
মাধাম ঘাম’ ফেলে ইনকাম গচ্ছে তেঙা নিজ’ পাচ পরানত ন’ দিনেই, তমার দির কি বানা এ খবারানি পেবাত্তে? নিজ’ দুক কাম গরি যে স্ব সস্বল আঘে সিআনি বিজি যে তমারে দির কি বানা মা-বাপর বুক সারাল্যা(খালি) গরানা খবর শুনি বাত্তে? আমা তেঙা পয়স্যালোই তমা পুঅ/ছা দোল দোল ইক্কুল,কলেজত বিশ্ব বিদ্যালয়ত আ বিদেজত পড়র ভালা কধা, আমারে অন্ততত এক্কা বুক ভরে আঝা কধা শুনেদা এক্কা অলেয়্য কিয়েত ঝাল মরিলুন, মরিলুন তিরোচ। তমাত্তুন আমি বানা সে আঝা গরির।

দাগনি -ইনজেব চাঙমা

শুন’ শুন’ ও জাদর নানু কোলেয়্য,
তমা গিরিত কধক পরি আঘন নেয়্যা নাধংছারা মানুজর আহ্র-
গাঙ বোই গেল’ চোগ’ পানিয়ে
তার ইজেব তুই কি দিবে? 

ভাঙি দিবা কধক-
দোল সোনার সংসার
ভাঙি গেল’ কধক-
সবন রেগা, আঝা আ কোচপানা।
আর কধক?
ধনপুদিত্তুন আহ্রি নিবা রাধা মনরে
তার ইজেব তুই কি দিবে?
ও লড়বোউন শুন-
তুমি ঝারি পেল অভিল্যাচ তনক গর’ মন,
গুচ দুয়ো, ভাত মজা পুনত বান’
হিলর মাদি কজাল’ বাম বুঝধোক তারা।
ঘর’ শুত্রুরে গর’ লেঙ সাত নাল সুদ’ ছিন’
ইত্তো হুদুম অলেয়্য জাদর শুত্রু
তারা ন’ দেঘেয়্য দয়ে মেয়্যা পড়া টেবিল ইর’
এগামনে জাদর শুত্রুরে নিমাজারা গর’।

বিঝু ওক আমার অধিগার পুরনর ইমে(প্রতিজ্ঞা) -ইনজেব চাঙমা

লংগদুত পরা টোন্নই তুল্যা ঘর।

দিন গঙে রেত এযে আর’ পহ্র অয়। পত্তিক দিন পুগ’ আগাজত বেন্যা রাঙা বেল আহ্জে। এধক্যে গরি দিন সাপ্তা মাস ভিদি আমনর জিংকানিত্তুনআর’ এক্কো বজর গাজ’ পাদার সান ঝুরি যার। গেলেস্ন কেল্যা এল’ ফুল বিঝু। এচ্যে মুর বিঝু। ধনী, গরিব, নেয়্যা-নাধা, চিগোন-দাঙর, গুর’-বুর’ এক্কান জাগাত থুবো অই পৈনাল গরি এক সমারে মিঙিনি, চেঙেই, কাজালং, বরগাঙ সমুত্তুন যিধু যিধু চাঙমা, তিবিরে, মগ...... সমুত্তু তারা ফুল ভাঝেলাক। বানা লংগদু চাঙমাউনে কবালত আহধ দি উরগুম্যা গরি আঘন।

মুই কেল্যা দিন্নু আমল গচেছাঙ। বেন্যা মাধান এল’ পোতপোত্যা এ্যাইল আগাচ। আগাজত ধুপ ধুপ মেঘ কত্তা কত্তা গরি উত্তুরে আগাজত ভাজি যার। মনে কর বিজয় গিরি আ রাধামন ধনপুদিরে হিলর খবর কোই দিয়্যা যার। তারা দোলে বিঝু পালাদন। তারারে বলান্যা দিয়্যা যার। মিদে মিদে বোইয়ের, কোগিল’ হু হু র’য়ে ধনপুদি বুগত রাঙা খাদি বানি, চুলত নাকশা ফুল গজেই মেঘ চাগা লগে সমার অই তেয়্য হিলর মানেই লগর সমারে ফুল ভাঝা এযের। মাত্তর, সেধক্যে ন’ অয়। তারা খবর পিয়োন হিলর আভা গম নেই, নেই ঘর দুয়োর হিলর মানেউনর। এ্যাইল আগাজত তলে বোই আঘন। রেদোত তারা, জুনি আ জুনানে অক্তে অক্তে সমার কন। নানাঙ কিত্যে কন। যে কিত্যে শুনি গেলেস্ন কেল্যা আগাচ্ছানে উরগুম্যা মু গরি থেপ থেপ চোগ’ পানি ফেলে ফেলে ফুল বিঝু বিধেয় নিল।

বামে লংগদু স: প্রা: ইক্কুলত সাঙু - ২০১৭ বই ভাক গরি দেনা ছবি।

কি গমি গেল’ হিল চাদেগাঙত - লংগদুত?

          সে দিন এল ২ জুন ২০১৭খ্রি:। বাবুছড়া হাই ইক্কুলত চাঙমা লেঘা শেঘাঙর ইক্কুলর পুঅ/ঝি’উনরে। এ অক্তত সুমন দা(কোরল্যাছড়িত্তুন) ফোন গরি কল’ লংগদুত চাঙমাউনর ঘরানি বাঙালে আগুন বাজে দ্যুন। সমারে আর্মি পুলিশ আঘন।

কিত্তে আগুন বাজে দিলাক?

নয়ন নাঙে এক্কো সেটেলার বাঙাল’ মরা খাগাড়াছড়ি চের মেলত পা যিয়ে। সিবে ঘর লংগদুত। সেনে তারা চাঙমাউনর ঘরানি(২১৩) আগুন বাজেই দি ছেই বানে দিলাক।

এচ্যে ১০ মাস ভিদি গেল’। তারা (চাঙমা) এয ঘর তুলি ন’ পারন। কেনে তুলিবাক? উরন পিনন বাদে কন তেঙা পয়স্যা বাজে ন’ পারন। বেক পুরি যেই ছেই অহ্ল। আমি (শ্রেয়সী, টিংকু আ পরেশ) ৮-৯ মার্চ ২০১৮খ্রি: লংগদুত ‘‘সাঙু- ২০১৭’’ বইবো ভাক গরি দিয়্যা যেনেই দ্বি চোগে দিঘি এলং, এলং তারা কি ধক্যে গরি দিন কাল তোড়াদন। সে পরা টোনানিলোই কন’ বাবদে ঝুপুর থাঙে থাঙে আঘন। রেদোত তারা, জুনি আ জুনান অক্তে অক্তে সমার অন। কধ সময় আগাজত মেঘ উদিলে তারারেয়্য সমার ন’ পান। মুজুঙে বারিজে আঘে। কেনে দিন কাল তোড়েবাক? সেনে এচ্যে তারা বিঝু পালে ন’ পাত্তন। পালেবার আওচ থানা সত্ত্বেয়্য।

এ বিজু পালে ন’ পারানা হিলত এক্কান সুধোম অই এল’। বাংলাদেচ আমল পচ্যে ধরি পরান চোক চোক গরি বিঝু পালান। কন’ কন’ জাগাত পালে ন’ পারন। বেগত্তুন বেচ চোগত  পরে সে ১৯৯২ সাল’ ১০ এপ্রিল লোগাঙ কাবা খানা সমুত্তুন এচ্যা শেজে লংগদুত ঘর আগু বাজে দেনা এ ধক্যে কয়েক ডজন ঘটনা হিলর জুম্মউনরে অমঅহ্ধ বুক ভাঙি দেয়।

এধক্যে তচ্যা, পেরাজারত্তুন এচ্যে একঝাঁক সাহিত্য কাম্মো খনসুচুক্যা কু-দিন মাধানর সেরে সেরে আমনর সাহিত্য সংস্কৃতিরে ধরি রাঘেবাত্তে, আমার ওক্কোর ভাচ পিত্তিমিত ছিদি দিবাত্তে অনা ভাদে নিআলঝি গরি কাম গরি যাদন। তারা চোগত মুহত সবন, আঝা নিজর ওক্কো ভাচ, সাহিত্য সংস্কৃতি বিশব বুগত থিদববর গরিবার। এযে পয়ধেনে তারারে ইধোত ন’ তুলিলে ন’ কর। তারা অলাক্কে এলিয়েন্স, শ্রেয়সি, বিকেন চেগে, পরেশ, টিংকু, ধর্ম বিকাশ, সোনামণি, জেকি, প্রত্যাশাসমুত্তু ৩০ জন কাম্মো। আর’ তারা সমারে সমার বদিবাত্তে চাদন। সমার অবাক।

মুজুঙে দিনুন দুক ন’ থেব’, আভিল্যাচ ন’ থেব’ বানা মুয়েদি কলে দ’ ন’ অহব, সিতেত্তই আমাত্তুন নিআলজি গরি কাম গরি যা পরিব’ লেঙে লেঙে ফোপে ফোপে অহলেয়্য। পথ আরা পরিব। নুয়ো পিড়িউনরে জাগা দি পরিব, মন’ বল দিয়্যা পরিব’, কন’ আন্দার থুম নয়। আন্দার কাদি গেলে পহর অয়। সেধক্খন সং আমার জাগি থা পরিব’।

এ মাদির আমার ঘরপাদা জাগা। ইয়োত জনম লনা আ মরানা আমা আরাং অধিগার। এই জাগাত আমার বাজি থানা তিরোচ মরে। এচ্যা হিলর ধক গম নেই। অনসুর গো-গুল মিজি আঘে। তিগুচ্যা মা-বোনর মরা খিজেক, বাপ-ভেইয়োর লো নালে ঝুরি বোই গেল’। মা-বোন চোগ পানিয়ে সাগর অই গেল। কধ গেলে হিল চাদেগাঙ ইক্যে শবাশাল অই উত্তে।

ত্যুঅ আমার আঝায় বুক ভরে, গধেল গধেল আঝায় তিরোচ মরে যে এই দুক আ আন্দার এক দিন ন’ থেব’। ঝাক ঝাক পর্বোয়া শিক্ষিত অহ্দন, দেজে বিদেজে চাঙমা নাঙ ছিদি পরের।এক জনে আর’ এক জনর দুগত উজে এত্তন। আমারে সাঙুু ২০১৭ বইবো ছাবাদে যেধক্যে গরি এজাল দিলাক সিআন জাদত্তেই দাঙর মঙ্গল। মিলেত্তুন পিএইচডি ডিগ্রি পাদন, উঙকাঙ সেরেত্তুন বল খেলাত নাঙ বাজাদন। আগত্তুন ইক্যে বেচ চেদন অই উত্তোন, আদুনিক অই উত্তোন। আ শিক্ষিত অইনে ফারক অই গেলে ন’ অহব, বানা নিজ’ ঘর-গিরি ভালেদি কধা ভাবিলে ন’ অহব। সে শিক্ষে ছিদি দিয়্যা পরিব’ মোন-মুরহ্ সেরে, হুয়োঙ-রিঝেঙ তারম্নমত। যে শিক্ষে জাত্তোরে পর গরি দেয়, দুরত থিলি দেয় সে শিক্ষে কন’ মূল্য নেই। জাদর গাভুচ্যা - গাবুরি জাগি উত্তোন ইত্তুন বেচ। সাগর তবোল সান কোচপানা, আলুলেস্না দুলুলেস্না বেই যোক মোন মুড় সেরে। হিলর দুক্খ এক দিন ন’ থেব’,  কন’ দুকক্খ থুম নয, কন’ আন্দার জনম জনম নয়, তচ্যা পেরাসানি পোইদ্যানে গরিবং  সুওল। মুজুঙে সে বেন্যা মাধান রাঙা বেল’ ছদক পত্তিক দিন ফুদে, পহ্র অয়, পেইক দগরন। মুই সে আমা হিল চাদেগাঙর হিত্তে চেই বুক ভরে, আমা জীংহানি, সাহিত্য সংস্কৃতি, ভাচ-ওক্কোর তজিমপুর’ ওক ইআন ওক এচ্যে বিঝুর ইমে।

           

বিঝু মানে বানা সুক নয়, থেপ থেপ চোগ’ পানিয়্য -দাঙগু ইনজেব চাঙমা

ক্যাপশন যোগ করুন

এচ্যে ১২ এপ্রিল ২০১৮ বাংলাদেজত ফুল বিঝু। কেল্যা মুর বিঝু পরে গজ্জে পচ্যে দিন। এ তিন দিন চাঙমাউনে বিঝু নাঙ দিলাক। তিবিরেউনে কন বৈসুক আ মারমাউনে কন সাংগ্রাই। আঘ দিনত বিঝু এলে চাঙমাউন খুজিয়ে তুবোল বেই যায়। থেয়্যা, নাধা বেগর মনত খুজি তুবোল ফাগোন’ আভা ধক বেই যার। মাজনউনে তারা খরাবি অজন রাঘেই বাঘি ধানুন ঘরে ঘরে ভাক গরি দুন ভিলি আমি এয বুড় বুড়ি মুহত্তুন শুনি। ভেইয়ে ভেইয়ে কধক দোল কোচপানা জীংকানি এল, এল আলুল্লো দুলুল্লো। কন’ জনে দুগত থেলে বেগে তারে এজাল দিদাক। মাত্তর ইক্যে! আমি তিবিরে রেয্যত এমএলএ দাঙগু সম্ভু লাল চাঙমা গান্নুত্তুন বেক অনুমান গরি পারি আমা চাঙমাউন কুধু কেনঝান আঘি। মা পেদত জাগা পেয় মাত্তর, পিত্তিমিত জাগা ন’ পের। সেনে দাঙগু সম্ভুলালর আভিল্যাচ -

পরা কবাল মহ্র বেড়েয়্যা মনান,

ন’ দ’ চাঙ তুয়োদ’ মুই, নিত্য বেরে পাঙ। ২

এ দেজত্তুন উদেজত উদেজত্তুন উদেজত

বানা বেরে পাঙ।

পরা কবাল মহ্র।ঐ

কন্না বুঝে ম’ ধক্যে, কন্না চিদে গরেহ্

কাপ্তে গধায় বর পর’ঙি বানেয়ে মরে্ \২

ডুবে দিল ভূই সাগিন ডুবে দিল স্ব সমবল

আহ্রি নিল ইত্তো হুদুম রাজ ঘরান্নো পানিত তল\

পর কবাল মুই সেনে

মুইদ’ মরে কঙ

লংগদু ঘরানি পুরি দেনা পর এধক্যে গরি ঝুপুর বানি আঘন।

মুইদ’ মরে কঙ।ঐ

ও! বর পরঙদ’ অরম্ননচলত ১৯৬৪ যিয়োন, খালিক এযবো..!

ছি ছি ঘি ঘি কোইনেই মরে ধাবে দুন

যাগোই যাগোই কোইনেই তারা জাগায়্য ন’ দুন\২

আহ্জি যিয়ে গিরিত্তি কধক সুগর,

সুক নেই সুক নেই ঘরত ভিলি ভেইউন  কোল গরন\

পর কবাল মুই সেনে

মুইদ’ মরে কঙ

মুইদ’ মরে কঙ।ঐ

এচ্যে ফেসবুকত দেঘা যিয়ে, ফুলে ফুলে গোদা পিত্তিমিআন রাঙেয়্যন। মনে কয় কন’ দুক নেই। আজলে আমি বেগে খবর পেই লংগদু[1] কধা। বানা সিআন নয়! বাংলাদেচ আমল পচ্যে ধরি কন’ বিঝু দোলে দালে ন’ কাদে। তিগুচ্যা আগাজর কালা মেঘ সান এক কিত্যেদি নয় এক কিত্যেদি এ্যাইল আগাচ্ছানরে কালা মেঘে

দিঘিনালাত ফুল ভাজানা

ঢাগি থায়, জুম্মউনর ভাগ্য। লংগদুত চাঙমাউনর ইক্যে ঘর নেই, অন বিঝু পালেদাক, ফুল ভাজেদাক। তারা বিঝু ন’ পালেবার রাজ দাগি দাগি কধন। মাত্তর, দুগর কধা আমা কানত কি সমে?

বিঝু দ’ আজার দুগ থেলেয়্য এক্কা অলেয়্য মনত সুগ এযে। মাত্তর, সে সুক এধক গরেঙ নয়। তক পায়। আ দুকআন! মুর, গরেঙ। অন’ তক ন’ পায়। অনসুর বুক আঙে, তুজ’ আগুন সান আঙি আঙি যার। এচ্যে ফুল ভাঝানা অই পারে যাহাতে ১৪২৫ (বা:) বজরবো দোলে, সুগে কাদে যানা বর মাগানা এক্কান জু। বানা কি সিআন! এচ্যে পার্বত্য চুক্তি বাস্তবায়ন ন’ অনার আমা নেতাউন চের কত্তা অই ভেইয়ে ভেইয়ে কোল বাজেই হিলত লো নাল বোই গেল। ভেইউন ন’ কলেই বোনুনরে আহত তুলির। সিত্তুন সরান পেবার বর মাগানা এচ্যেএক্কো দিন।

বানা কি বর মাগিলে পায়, নিজ’ মনান পুরিষ্কার ন’ থেলে? লোভ দ’ বেগর থায়, চাহিদা বেগর থায়, আমা চাহিদাআনি আমা কধা ন’ শুনের। আমারে যোক্কো পাগলে ধচ্ছে পা ধরি যিয়ে। সিত্তেই আমি আমি ধালি ধালি দি দি গরির। কধক কা পেরাজার খেবঙ? কা পেরেজার কধক আ গায় সয়েবং? জাত ভেইয়োর না অন্য জাদর পেরেজার।

যা ওক, জাদর যনিু দুগর সাদা থায়, জাত্তো যুনি অক পদত থায় সালেন একদিন সুক পেব। এ সবন আ আঝা বুক বানি এ বিঝু আ নুয়ো বজর ওক জাদর মুক্তি বিঝু আ বজর। বেগর মঙ্গল ওক।  

---

[1] ১০ মাস আগে ২ জুন ২০১৭ খ্রি:নয়ন নাঙে এক্কো বাঙাল খাগাড়াছড়ি চে মেইলত কন্না মারে ফেলেস্ন সে পয়ধেনে পুরি দিয়্যা অয়্যা তিনান আদাম(বাত্যা পাড়া, তিন তিলা, মানিবিছড়া)। তারা কন বাবত্যা এক্কা ঝুপুর থাঙে থাঙে আঘন।