Hillor pojjan(হিলর্ পজ্জন)

কামাক্কাই কোই যায়, ইরুক দিনর চাঙমা জাত্তো দ্বি/তিন ভাগে ফারক। ইয়ান জুম্ম জাত্তোত্যাই বিরেত খোদাকতালাক-আগাজ বাজ। পুরনি আমলত্তুন ধুরি নানাঙ রাজনৈতিক উত্থান পতন ক্রমবিবর্তনের পদ ধুরি মুজুঙে উজাদে উজাদে এক অক্তত চাদেগাঙত এন্যাই থিদব্বরী ঊয়োন। মাত্তর এ থিদব্বরী শেজ অধে বেজ সময় ন লাগে। তারার এক্কু অংশ একসময় নানাঙ কারনে মূল ভূখণ্ডত্তুন অন্য কিত্তে ধেই যেই পিয়োন। বৃট্রিশ শাসনামলত বিংশ শতাব্দী প্রারম্ভে বুকুত চাঙমা পরিবার কাদে-কাযে রেয্যত ধেই যেউন। তা পিজেদি এল রাজনৈতিক কারন। ভারত-পাকিস্তান ভাগ ন অবার আঘেন্দি হিল চাদেগাঙ এল চাঙমাউনর চাগালা। মোট মোট জনসংখ্যা ৯৫% এলাক চাঙমা। এ চাঙমাউনর রেয্যয়ান ১৯৪৮ সালত পাকিম্তানর ভাগত পল্লে  বকুত চাঙমা সরকারী কর্মচারী ভারদত ধেই যিয়ন। চাঙমা পত্তম গ্রাজুয়েট দাঙগু যামিনি কুমার দেবান, এমবিবিএস নির্মল চন্দ্র দেবান আ পত্তম নিদুকতুক্যা আইসিএস অফিসার মুকুল কান্তি খীসা এই ডাঙর ডাঙর শিক্কিত মানেউনে দেচ ছারি যানারচাঙমাউনর বিরেত অপূরণীয় ক্ষতি অয়্। তারার ইত্তোকুদুমউন টিবিরে রেয্যত লারে লারে থিদব্বরীউয়ন। আ যারা স্বদেজত এলাক তারার নানাঙ ...

অারাকান, অক্সাদেচ্, খেয়াংদেচ সমুত্তু নানাঙ দেচ চাঙমাউনে জয় গোচ্ছোন। সাধীন দেজর সাধীন মানুচ আ শাসক জাত এলাক। যদ্ধ গরি গরি উযেয় যিয়োন দেজে-বিদেজে। সুগ বাদে দুহ কারে কয় খবর ন পেদাক। ১৭৭৬ সালত ভাদ রাদ অলে গোটা বাংলাত এক তৃতীয়াংশ মানুচ যক্যে মানুচ অনাভাদে মরি যিয়োন সক্যে হিলর মানেইউনে ন খেই থেই ন পান। তা পরা ১৯৪৩ সালত ভাদ রাদত্তুয়্যু বগল সেরে দি পাদেদ্যুন। এই তথ্য মর নয়, ইয়ানি লিগি যিয়োন ব্রিটিশ আমলর জেলার শাসন কর্তা সুপারিনটেন্ডন্ট আ ডেপুটি কমিশনারউনে। মাত্তর, এচ্যা! আমা জনম ভূমি কালা মেঘে ঢাকি যিয়ে। হিলর মানেউন কাটাশিঙোলর ঘিচ্ছে। আমি অধিকার৮ঈন জাত। আমা বোনর লো’য়ে রাঙা অইয়ে মা’মেদেনি। ভেইয়োর লোয়ে মোন – মুড় ভিজি যিয়ে। আমা বাপ-ভেইয়োর, মা-বনোর মরা কিজেক গোদা পিত্তিমীয়ান গুজুরি উদের। চোগর মুজুঙে আমা বোনুনরে ঝাপাদন, আমা ভেইউনরে বে’নেত্তোই বেন্নাদন। ভাঙা পয়জেউনে কারি নেযাদন আমা পূর্বপুরুজর ভূই জমি। ইক্যে গরি আমা জাদর মানেউনে ণেইয়্যা, নাধা উয়োন। খেই ন পেণ্যাই মরি যাদন। এচ্যে আমা জাত ভেইউন পিত্তিমী বুগত বাজি থেই পারাবাক না’পারিবাক সিয়ান অনিশ্চিত। হিল চাদেগাং বাদে পিত্তিমীত কন কিত...

চাঙমা জাদর মরন কাভুক কাপ্তে গদায়ানে কারি নিল জাদর সুগ-শান্তি। ভাঙি দিল মনর অতালিয়ে স্ববন। কলং ছিত্রিং’পাত্রাং। পুত্তোপারা অই ছিদি পচ্ছেই নেপা(অরুনাচল), বার্মা, মিজোরামসমুত্তু কোণা-কুণি, গোণা-গুণি ছেড়ে, নানাঙ কিত্যাত। মা’কারেল তা আওজর পুঅ, বা’কারেল তা’আওজর ঝি’। ইক্কে গরি নেকে-মোকে ফারক অইবাকী জীংকানি বুগদিপ্যা’দিপ্প্যা, বেসঞ্জুক গরি একবুগ আবিল্যাজই দিন’কাল তোড়ে পিয়ন, তোড়াদন। ইয়ান আমা চাঙমা জাদর বাস্তব চিত্র। কালা বিজগ। এচ্যে যারা দেচ কুলত আগন তারা খুউব গম নেই। আ যারা দেচকুর ফেলে বেদেজত আগন তারা কি গম আগন??? মিজোরামত যারা আগন তারাদ দরদর থরথর। কুউকিউনে তারারে তুলি দিবার চাদন। নানাঙ তচ্যা পেরাশানিত আঘন। এক অক্তত দেচকুলত জাদর পাত্থলি এম এন লারমা নেতৃত্বে মা’ভূমি রক্কে গরিবাত্যা সশস্ত্র গ্রুপ শান্তিবাহিনী জগোল অয়্যা। তার ডাগত হিলর মোন-মুড় জাগি উত্তন। সক্যে দেচ পেরেত্যা ভেই-বোনুন বুড় মা’বাপ ফেলে ঝাবে পজ্জোন মুক্তি লাড়েয়ত। সুরু অল মুক্তি লাড়েই। তেহ্, অন্য দচ/পাজ সান ১৯৭৯ সালত দাঙগু মকর কান্তি চাঙমা(ত্রিদ্বিপ) সশস্ত্র গ্রুপত যোগ দ্যি। গৃহযুদ্ধ শেজ গরি ১৯৯১ সালত বুড় মা বাপর টান...

দি’মুই সুগ পাং, ভাবিনেই জাদর মুক্তিত্যাই সময় আ লো দোঙ চুক্তি বাস্তবায়ন লাড়েয়ত ম’ নাঙান লিঘি পাচ্ছোং। দি’মুই সুগপাং, ভাবিনেই এম এন লারমা পরেয়্যা পদ ধূরে আহ্দি মুই পিয়োঙ। চুক্তি বাস্তবায়ন পোইদেনে পুঙ্গু অইয়োং। দ্বি’আঙুল্যা কপালত ইয়ান মাগি আন্নুং। আর বেচ সুগি কলুঙুন, যুনি শহিদ অই হিল চাদেগাঙহ্ দোল আভা, সু-দিন, সু-মাধানফিরি এদ, মা’বোনর মুহ্ত অাজি ফুদি দ। আবিলেজ, ধুন্দুক ন’খিয়ো, ইয়ান মর পাওত্তি, বুগ তাজা লো ন দিলে, সু-দিন- সু’মাধান ন’ বেবং ফিরি #১২/০৩/২০০৭ইং লিক্খে কবিত্যা।

হি ধক্যা বিচের গোজেন ইয়ান হি বিচের? হিয়ে থান অজল অজল বিলডিঙত হিয়ে থান ডাঙ্গাপাদারত\ খানা তালত আগন হিয়ে রঙে ঢঙে হাদান রেত হিয়ে খে’ন পেই পেত আঙুদান খেই ন’ পান ভাত\ থাওয়্যা দুলো ধয্যা ফূর্তি গরন সোনা – রূপ হিয়েত হিয়ে ইয়েত নেই কাপড় লাজে মু ঢাগি থান\ চোগে টনটনাই পা গাড়ি-ঘর ধন-দৌলদর অভাব নেই হিয়ে ঘুম যান ঝুপোরত তলে ঠেঙত তলে মাদি নেই\ হিয়ে পালান আওজে কুগুর লাক তেঙাদি কিনি হিয়ে ন পান দারু কিনিবার অন কড়া- কুড়ি\ নানাঙ বাবত্যাই খেবার দরব খেই ন ফুরেনে ফেলে দেদন পেত আঙুদে পেত আঙুদে হিয়েআর দিন তোড়াদন\ পিত্তিমী বুগত ডাঙর পরান বলাত ইয়ান হি ধক্যা ইনজেব! ন’ বুজং তর লীলা খেলা মুইয়্যু ইক্কু বজং মানেই।

তিন প্রশ্ন নাঙে সাহিত্য আ সাংবাদিক আনিসুল হকর প্রথম আলোত ইক্খু কলাম লিক্খে। সিয়োত লেঘা আগে- এক রাজা তিনান পুজোর(প্রশ্ন) উত্তর থোগার। বেগত্থুন দাঙর সাতকামর(গুরম্নত্বপূর্ণ) অক্ত কি, বেগত্থুন দাঙর সাতকামর(গুরম্নত্বপূর্ণ) মানুচ্ অন্না আ বেগত্থুন দাঙর সাতকামর(গুরুত্বপূর্ণ) কাম কি? রাজা গোদা রেয্যাত ঢুল্ দিল, যে তারে এই তিনান পুজোর মেত ভাঙি দি পারিব তে তারে গধেল গধেল বুকশিচ্ দিব। রেয্যাত কেইবান্যা কেইবান্যা কদগী, পুন্ডিক্খুন এলাক্ মাত্তর রাজারে এই কধানর মেত্ ভাঙি দি ন পারন। এক জনর কধালোই আর একজনর কধা কন মিল নেই। শেজে রাজা খবর পেলদে ইক্কু সাধু কধা। তে থেদ জারত। তেহ্ হামাক্কাই গিয়েনী। এক দিনে রাজা অন্য ভেদ্ ধরি সাধুবু ইধু যিয়ে। সাধুবু সক্যে এক্কান পাগারালোই গাত্ কুরের। রাজা তাত্থুন পুজোর গরে বেগত্থুন দাঙর সাতকাম্যা(গুরুত্বপূর্ণ) অক্ত কি, বেগত্থুন দাঙর সাতকাম্যা(গুরুত্বপূর্ণ) মানুচ্ অন্না আ বেগত্থুন দাঙর সাতকাম্যা(গুরুত্বপূর্ণ) কাম কি? সাধুবু কন কধা ন কয়। তা মনে তে গাত কুরের। রাজা কল, মরে ত’ পাগারান দে, মুই তরে বল দুঙ। সাধুবু জেরার্ আ রাজা কাম গরের। এ অক্তত ইক্কু মানুচ ফোবে ...