অঝাপাত আ মাঝ্যাপাত লারচার - সুনানু ইনজেব চাঙমা
অঝাপাত: চাঙমা “অঝা” র’বো বাংলা অলদে প্রথম, প্রধান, ধাত্রী এধক্যে নানাঙান বুঝয়। পল্যা এ ওক্কোরউন শিঘা পরে কেনেই মনে অয় এ নাঙান অঝাপাত দিয়্যা অয়্যা। এক সময় আদামত অঝা-বৈদ্যদাঘি এলাক আদামর সাতকাম্য/গুরুত্বপূর্ণ বন্দা। হয়দ’ সিত্তুনও এ অঝাপাদও নাঙান এই পারে। পিত্তিমীত আহ্’জি যেই যায় ছ’ আজার ন’ ১২য়ান ভাচ আঘে। ইয়ানি কয়েক্কান ভাঝর গুত্তি বা গিরি/পরিবার আঘে। ইন্দো-এরিয়ান (ভারতীয় আর্য্য ভাষা), টিবেটো-চিন আ নানাঙান। চাঙমা ভাচ অহ্লদে ইন্দো-এরিয়ান ভাঝর গুত্তি বা গিরি’র এক্কান ভাচ। তনচঙ্গ্যা, বাংলা, অহমিও ইন্দো-এরিয়ান ভাঝর গুত্তি বা গিরিত পরে আ চাঙমা ভাচ্চান জনম বা উৎপত্তি উয়ে থাইল্যান্ড খেমার ওক্কোরত্তুন (গ্রীয়ারসন, ১৯০৩)। দেঘা যিয়্যা ১৯০০ সালত্তুন ২০০৭ সাল সং অঝাপাত্তো নানান জনে নানান ধক্যে গরি ছাবেলাক। কেও ৩৩, আ কেও ৪০ চ্চু। যেমেন- 1. Ajhapat - 33, by G.A Grierson, Linguistic Sruvey of India in India on 1903 2. Ajhapat -39, by Noaram Chakma at Rangmati in 1959 3. Ajhapat – 37, by Haro Kishore Chakma in 1960 4. Ajhapat – 39, by Biraj Mohan Dewan at Rangmati in 1969 5. Ajhapat...
