 |
| বাবুছড়া ফ্রেন্ডশিপ ইক্কুলত “সাঙু- ২০১৭” চাঙমা লেঘা বই ভাক গরি দেনা ছবি। |
‘‘নানান দেশের নানান ভাষা।
বিনে স্বদেশী ভাষা,
পুরে কি আশা?
না, আশা পুরে না।’’
এচ্যে ফাওন আ ভাঝর মাচ। নানাঙ ফুল রঙে মিজি আঘে মা
মেদেনি। সিক্যে গরি চাঙমা ভাচ্ছানরে ছিদি দিবাত্তে এগামনে এগাচিত্তে নিআলজি গরি
নিগুচ নিগুচ কাম কাম গরি যাদন চাঙমা সাহিত্য বা আ সাঙু পাঠাগার কাম্মোউন।
এচ্যে বাবুছড়া ফ্রেন্ডশিপ ইক্কুলত জাদর নুয়ো পিড়িউনরে
মাগানা ‘‘সাঙু- ২০১৭’’ বইবো ভাক গরি দেনা ফাংশানত মু দেঘেয়্যন ৫নং বাবুছড়া ইউপি
চেয়ারম্যান দাঙগু সুগত প্রিয় চাঙমা কোইয়ে, ‘‘জাদর ভাচ, জাদর লেঘা শিঘিানা সাত কাম’’ । ইয়োত আর মু দেঘেয়্যন ফদাঙতাঙ ক্লাবর জধানানু
দাঙগু নিউটন চাঙমা, ভজমান মুরম্নববী দাঙগু অরুন বিকাশ চাঙমা, বাবুছড়া ফ্রেন্ডশিপ
হেডমাস্টর দাঙগু তিমির বরণ চাঙমা আ চাঙমা সাহিত্য বার দাঙর কাবিদ্যাঙ ইনজেব চাঙমা,
এজাল দাঙর কাবিদ্যাঙ দাঙগু সম্ভু মিত্র চাঙমা, বা কাবিদ্যাঙ দাঙগু এলিয়েন্স চাঙমা,
ফগদাঙ আ ছিদানা কাবিদ্যাঙ দাঙগুবী শ্রেয়সী চাঙমা, ভান্ডালি কাবিদ্যাঙ দাঙগু পরেশ
চাঙমা, দপ্তর তথ্য আ গবেষণা কাবিদ্যাঙ দাঙগু নভেল চাঙমা, সাবাঙ্গী প্রিয়সী চাঙমা আ
বাবুছড়া কলেচ ধেলা জধানানু দাঙগু সোনামনি চাঙমাসমুত্তু বাবুছড়া ইউপি ধেলা জধানানু
দাঙগু রিকন চাঙমা।
এক্ রাজা তিনান্ পুজোর্ (প্রশ্ন) জোপ্ (উত্তর) চায়। বেগত্থুন দাঙর
সাতকামর(গুরম্নত্বপূর্ণ) অক্ত কি? বেগত্থুন্ দাঙর্ সাত্কামর্(গুরম্নত্বপূর্ণ)
মানুচ্ কন্না? আ বেগত্থুন্ দাঙর্ সাত্কামর্(গুরম্নত্বপূর্ণ) কাম্ কি?
রাজা গোদা
রেয্যত্ ঢুল্ দিল, যে তারে এই তিনান্
পুজোর্ মেহ্ত ভাঙি দি পারিব তে তারে গধেল্ গধেল্ বুকশিচ্ দিব। রেয্যত্ কেইবান্যে
কেইবান্যে কধগী, পুন্ডিক্খুন্ এলাক্ মাত্তর্ রাজারে এই কধানির্ মেহ্ত্ ভাঙি দি ন
পারন্। এক্ জনর্ কধালোই আর একজনর্ কধা কন মিল্ নেই। শেজে রাজা খবর্ পেলদে এক্কো
সাধুর কধা। তে থেদ ঝারত্। তেহ্ খামাক্কাই
গিয়েনী। এক দিনে রাজা অন্য ভেদ্ ধরি সাধুবু ইধু যিয়ে। সাধুবু সক্যে এক্কান
ফাগারালোই গাত্ কুরের। রাজা তাত্থুন পুজোর গরে বেগত্থুন দাঙর সাতকাম্যা
(গুরম্নত্বপূর্ণ) অক্ত কি, বেগত্থুন দাঙর
সাতকাম্যা(গুরম্নত্বপূর্ণ) মানুচ্ কন্না আ বেগত্থুন দাঙর
সাতকাম্যা(গুরম্নত্বপূর্ণ) কাম কি? সাধুবু কন কধা ন কয়। তা মনে তে গাত্ কুরের।
রাজা কল, মরে ত’ ফাগারান দে, মুই তরে বল্ দুঙ। সাধুবু জেরার্ আ রাজা কাম গরের। এ
অক্তত ইক্কু মানুচ ফোবে ফোবে তারা কায় এল। বুগত্ ঘোবা। রাঙা লো থেপ্ থেপ ঝুরি
পরের। রাজা আ সাধুবু দ্বি’জনে তারে চিকিৎস্যে গরলস্নাক। তে কল, রাজার পুরণ
শুত্রম্ন তেহ। রাজারে মারিবাত্যাই যেনেই রাজা সৈন্যউনে খবর পেনেই তারে মাজ্জোন্।
রাজালোই তেহ্ হাদ মেলেল। সাধুবো কল, রাজা, ত’ তিনান্ পজোরর উত্তর দ্যি অয়্যা।
বেগত্থুন
দাঙর সাতকামর (গুরম্নত্বপূর্ণ) অক্ত(সময়) অলদে: ইক্যে (এখন), রেগত্থুন দাঙর সাতকামর্ (গুরম্নত্বপূর্ণ)
মানুচেছা অলদে: এ অক্তত ত’ কায় যে আগে আ বেগত্থুন দাঙর সাতকামর (গুরম্নত্বপূর্ণ)
কাম হ্লদে: মুজুঙত যে আগে-তারে উপকার গরানা। থিক সেধক্যে্ইক্যে আমার, বেগর সাত কাম
অহলদে জাদর লেঘা চাঙমা লেঘা শিঘানা গরচ অই পচ্যে কধা আন কধগীউনে কলাক।
কোন মন্তব্য নেই:
একটি মন্তব্য পোস্ট করুন