তুই কি?
তুই কি লেঘিয়্যা- মান পেবাত্তে পর ভাচ্চোই সাহিত্য চচযা গরচ। মা-ভাচ্ছোই কধা ন’ কচ। তুই লেঘিয়্যা নয়। তুই তুগন’ বাচ তরে দেলে মর ঈচ অহ্’য়। তুই কি কবি- দাঙর মান পেবাত্তে পর ভাঝে কবিদ্যা লেঘচ। কধায় কধায় চাঙলা, চাঙলিচ ভাঝে মাদচ। তুই কবি নয় তুই এক্কো দুলো ধচ্যে। তরে দেঘে মর সেপ এযে মুহ্’ত। তুই এধক্যে এক্কো লেঘিয়্যা- মা-ভাঝর কন’ দয়ে নেই পর ভাচ্ছোই কানচ। তুই কি খবর ন’ পাচ তর বেক আঘে? তে কিত্তে এধক ভিন ভাঝত্যাই পরান দুয়োর? তুই এধক্যে এক্কো কবি- নিজ’ ঘর-দুয়োর ন’ সুরি পর ঘর-দুয়ো আঝর। মরা তেরতের মা-ভাচ্ছানত্যাই তবনা ন’ গরি ভিন ভাচ্ছান ভালেদি তবনা গরর। তরে দেঘিলে মর বুক আহ্’ঙে- এধক্যে বজঙত্যাই জাত্তো অধেপদে। নিজ’ পিরিহ্’ল্যা ভাচ্ছানরে কিত্তে চোক নেই নাঙ ফুদেবাত্তে পর’ ওক্কোর-ভাচ্চোই লুদুপুদু অই আঘচ। তুই কি খবর ন’ পাচ? এ অক্তআন বেকুজ্যা অহ্’লে মা-ভাচ, অঝাপাত, রিদিসুদোম, সাহিত্য বেক আহ্’জে পেলেবে।
