এচ্যে ২১ আগস্ট ২০২০ ইংরেজি, ভাদমাজ ৫, ১৪২৭ বাংলা শুক্করবার চাঙমা রাজা ব্যারিষ্টার দেবাশীষ রায়র চিগোন রানির (মক্কো) সিজি জনমপুর।
এক্কো পুঅ কুমর ত্রিভূন আর্য্য দেব রায় আ এক্কো ঝি রাজ কুমরী আয়েত্রী
আরাধনা রায় ফেলে যেই চাঙমা রাজার পল্লে রাণী তাতু রায় ১৯৯৮ সালত মরি যায়।
দাঙর রাণি মরি যানার পর গেল্লে ৫ জুলাই ২০১৪ ইং দাঙর রাখাইন মিলে ইয়েন ইয়েন লগে চাঙমা সার্কেল কর্তা রাজা ব্যারিষ্টার দেবাশীষ রায়’ সমারে জধন অহ্’য়।
অস্ট্রেলিয়ার এডিলেইড বিশ্ববিদ্যালয়ত পর্বোয়া বান্দরবানর ঝি ইয়েন ইয়েনর লগে চিনপচ্যে অহ্’লে ১২ ডিসেম্বর ২০১৪ ইং দ্বি’জনে আহ্নদিক পিনে দি-দি গরন।
এচ্যে চাঙমা রাজার, চাঙমাউন চিগোন রাণী ইয়েন ইয়েন জনমপুরত চাঙমা সাহিত্য বাহ্ তপ্পেত্তুন চাঙমা সাহিত্য বাহ্ গরা কমিতি জধানানু আ দাঙর কাবিদ্যাঙ সাইন গচ্ছে পেডত অতালিয়ে কোচপানা জানানার সমারে তার নিরোক আ ঈয়োত লাম্বা বর মাগি দিলাক। ইয়ান চাঙমা সাহিত্য বাহ্’ কামর পত্তম কাররে ফেসবুক টাইম লাইত অফিসিয়ালি পেডত কোচপানা জানানা। যনি মিঙিনি চাগালাত চাঙমা সাহিত্যিক সুনানু মুকুন্দ জনমপুর আ আনন্দমোহন চাঙমা জনমপুর পালে এত্তন।
কোন মন্তব্য নেই:
একটি মন্তব্য পোস্ট করুন