Hillor pojjan(হিলর্ পজ্জন)

23 মার্চ 2016 · কাক্কন আগেদি # পাগল_মাআজন_পাড়া , # কড়ই_তুলি , # মধ্যছড়া , # শিবঙ্খ_পাড়া , # ছামেনি_ছড়াসমুত্তু চাঙমা সাহিত্য বা তপ্পেত্তুন ৪দিন সং আমা ন্যুঅ আঝা, জাদর অজল সভনর পাত্থলী, নোনিয় ে পুঅ/ঝি'উনরে চাঙমা লেঘা শেঘানা পোইদ্যানে তেম্মাং থুম গুরি ঘরত ফিরিলুং। এ তেম্মাঙত ভজমান আদাম্যা মুরুব্বী চাঙমা সাহিত্য বা কামানরে বারবাঙানে সাধুবাদ, কোচপানা, বা'বুর লাম্বা আয়্যূ আ ভলেদি গোজান। মনিকা চাঙমা অা মুই ইশকুলর পু/ঝি’উনর লগে। মধ্যছড়া মাস্টরী লগে পাগলা মাআজন পাড়াত যানা পত্ পাগলা মাআজন পাড়া কারবারী লক্ষী বিকাশ চাঙমা আ প্রাইভেত মাস্টরী লগে। পাআলা আদাম মুরুব্বী আ মাস্টরী লগে শীব্ঙগ পাড়া মাস্টস্যা লগে।

14 আগস্ট 2015 ·   পাত্তুরুতুরু বেন্যা মাধান। চাঙমা লেঘা শেঘে যেবার লর দিলুং। এচ্যা ১০ টা অক্তত মেরুং লম্বাছড়াত তেমাং আঘে। আ চৌধুরী পাড়া, চংড়াছড়ি, বাজেইছড়াত চাঙমা লেঘা শেঘানা কাম।

মোমবাত্তি জালের ফগদাঙ গজ্জে মোঃ আবুল হাসেম ভূইয়া। পিত্তিমীত বেক্ ভাচ্চানি থিদব্বরী ওক” এই মুলুক কধায়ান ভরদি বরঝালা সরকারী প্রাইমারি ইশকুলত তি মাজ্যা চাঙমা লেঘা শিক্কে কোর্স সিজি ফাঙফগদাঙ গজ্জে মোঃ আবুল হাসেম ভূইয়া, কমিশনার ৭নং ওর্য়াড, মাটিরাঙ্গা পৌরসভা, খাাগাড়াছড়ি। মুলুক গরবা এল দাঙগু সুভাষ চাঙমা, সাধারণ সম্পাদক, মাটিরাঙ্গা উপজেলা ডেলা, খাগাড়াছড়ি। আ চাগালা মায়-মুরুব্বীউন। খলা আরগানিত ত্রিপিটক কোইয়ে, দাঙগু অমর জ্যোতি চাঙমা, পল্লে কধগীত দাঙগু ইনজেব চাঙমা চারু কোইয়ে, আমার ওক্কোর-ভাচ থিদব্বরীত্যাই চাঙমা সাহিত্য বা’ আ সাঙু পাঠাগার নানাঙ জাগাত চাঙমা লেঘা শিক্কা কোর্স কাবিদ্যাঙি গরি এযের। নানাঙ সুয়োল আ লাড়েই গরিনেই এস্যে আমা চিজিদাগী আমনর ভাচ আমনর লেঘা বই পেনেই যেদক্যে খুউজি অই পারি আ দুগ কধা আ লাজেবারয়ু আগে। ১৯৮৫ সাল কধা ইদোত তুলি কোইয়ে, মেরুং ইউনিয়নত চাংড়াছড়ি আর্মি ক্যাম্পত তারেক ক্যাপন্টে থেদ, সক্যে চাগালাত্তুন ৩০-৩৫ জন চাঙমা ধুরি আনি পুজোর গরে কন্না কন্না চাঙমা লেঘা পারে। এক জন বৈদ্য বাদে অন জন চাঙমা লেঘা ন পারন। যে ন পারে তারে ১০বারি দ্যি। ত্যুঅ আমার চেদন নেই। ইক্যে আমার গুরউনরে আম...

কদক পারমি বলে এস্যে মানব কুলত্ ভজমান দাঙগু তরুনী কুমার চাঙমা আ দাঙগুবী বিজয় শোভা চাঙমা সুক্-দুগর্ দোল এক্কান সোনার সংসারত্ বেগ দাঙর পুঅ হিজেবে জনম লনাই মুই নিজরে অজল-দাঙর্ ভাবঙ। মাত্তর, মা-বাপর অতালিয়ে আঝা-সবন হয়দ পুরেই দি’ন পারঙর। এ পুজি যুগত রুজি খারাত্ মুই নেই। আত্তুয়া খেইয়ে এক মানেই। ইক্কে দনিয়ে সুদোম, অন মা-বাবে ন চাঙ এ পুজি যুগত পুঅ/ছা’য়ে ফগির কদোক। নাদং ছারা জীংহানি তোরাদোক। বেগর সবন গাড়ি-বাড়ি, সুগর দোল এক্কান সংসার। যে সংসারত তিগুচ্যা আজি ঝুরি পত্ত। দুগ ন’ থেদ। মাত্তর! মুই গুরি বেড়াং তিদিক তিদিক এ কোণাত্তুন অই কোণাত। ফগির। সিত্যাই মরে নিনেই মা-বাপর যদ চিদে। না, মুই ফগির নয়! মুই পাগল জাত্তুত্যাই। স্ববন এল জাত্তুত্যাই কাম গুরিম। কাম গুরি যেম। এই আঝা নিনেই মাদত আগঙ। হনসুচুক্যা দিন মাধানত ধন্ বল্ ন থানার বেজ দুরত ঘুরিবার জু ন অলেয়ু দিঘীনালা উপজেলাবুত ঘরিবার বল আগে। সিত্যাই যা সেদাম আগে আমন ভাচ অমনর অঝাপাত পিত্তিমী বুগত থিদববরীত্যাই কাম গরঙ। ইয়ানিলোই মা’ তোমার বুগ ন ভরে খবর পাঙ। বুড় কালে দুগ পর্ । কি গরিম মা? তোমা শেব বর্তায় এস্যে পিত্তিমী মু দেঘঙর। তোমা শেব বর্তায়...

মা-বাপ, ইত্তোহুদুম ফেলে আঘন জারে জারে, নাঙেলে নাঙেলে রিঝেং তানঝাং মোন মুর ভাঙি ভাঙি খরান অই জুরিত লামি হাদ খোকালোই খাদন পানি। জীংহানি বেক সুক ইরি গুজি নিলাক বন্ধুক গুলি; মোক পুঅ ভেই বোন সংসমাজ্যা ইত্তো-হুদুম ত্যাগ গরি রোদে পুরি ঝড়ে ভিজি শীল ছাদারা ভিজোল পদে হাদন তারা নিবিলি আঙারা পদেন্দি। ভাত পানি অক্তমজিম ন পুর পেদত কলা গাচ সেয়োনশাখ খেই জীংহানি তোড়াদন। পুক-জুক মশা পুগিয়ে ন’ পারন তারারে দোঙে তারা কন্না? কি তারার উদিচ? চাঙমা জাদর মরন কাভুক কাপ্তে গদা বানি তিত্তি ন অই রেত-দিন আবান নেই গরি বাঙাল আর্মি আনি; হারি নিলাক জুম্ম জাদর ভূই জমি। সিত্তুন এরান পেবাত্যা জনম অল শান্তি বাহিনী তারা শান্তি বাহিনী। তারার উদিচ …ফিরি পেবার জাগা-জমি হাজার দুগ পেরাশানিত্তুন এরান পেবার জুম্ম জাতি। জুম্ম জাদর মুক্তি সনদ আনিবার ছিনি। (১৯৯৬ খ্রিঃ ২০ জুন লেঘা উয়ে)

তুমি যে যে যিয়ান ক’ ভেই আমি বেক্কুনে জধা চেই দেজ আ জাদর মঙ্গলত্যাই সং থানা বাদে কিচ্ছু নেই। ভেইয়ে ভেইয়ে মারামারি যেদক থেব ভেই বেক্কুনত্তুন দেচ্ছান ডাঙর তা উগুরে নেই। দেজ আ জাদরলাই বেগর সং চেই সক্যে অব দেজর মঙ্গল সিয়ান ছারা কিচ্ছু নেই। জাত, ধর্ম, দল গোত্তি অন চিনপুজ্জ ন থেলে বেক্কুনর উগুরে দেচ্ছান সত্য ঈদোত রাঘ ভেই। লাড়েই গরা পরিব দেচ্ছানত্যাই চিন্দে গরিবার কিচ্চু নেই মানেই লগে গম-নিপরভা থেলে দেজর ভালেদি ভেই। এজ বেগে মিলি দুলি ধর’মর জধা অই দেজ আ জাদর ভালেদিলাই দোল এক্কান দেজ বানেই। জানুয়ারি ১২, ২০১৭ Injeb Changma হবিতে/লামা

ভালক বজর পর জিত্তোরামে রাঙমাত্যাত্তুন বিএ অনার্স থুম গরি ঘরত ফিরিল। খাগাড়াছড়ি মোন তলা আদামত। কুলিরাম কাবর্বাচ্যা নিদুকতুক ইক্কু গরি পুঅ। বহুত পূজ-আরাধনা গরি তে, তারে পিয়োন। লেঘা পহরা লগে ছাত্র রাজনীতি গত্ত। সিত্তাই গরত এযানা ন অয়। এস্যে দিন মাধান গম হিত্যাই ঘরত ফিরদে বরামত নেই। সাত-আট বজর রাঙামাত্যা থাক্কে থাক্কে মোন তলা আদামান তেহ্ ছবি সান দেঘের। বেক বদলি যিয়ে। আগেদি বর বর গাজু বাজর তারম্নম এল, এল ছড়া-ছড়িত পানি ঝালাববর। ইক্কে সে দক্যে নেই, বানা ভোলঙ ডবো আ আজাম লুদিবন। বেলান সক্যে ডুবঙ ডুবং। আজি আজি পচিম মোনত এলান দ্যে। কাদি মাজ, পিলাং কাল। নাঙেল দিঘোলী আহ্দের আ দি গাল বেই তেপ তেপ ঘাম জুড়ি পরের। পিবির পিবির মিদে মিদে বোইয়েরানে তা পাচ পরান জুড়ে যার। এদক খরান ত্যুয় তারে খরান গরি ন পারে, খুব গম লাগের তার। এদক বজর পর মা-বাপ মু দিঘিবু এস্যে। সে অক্তত কমলাপুদি আ তা’ ঝি ধনবী বারা বানা খিজে খিজ্যে পরি যিয়ে। সে অক্তত আদিক্যে গরি ধনবীরে দিঘী ভাবনা রেয্যাত ডুবি গেল জিত্তোরামে। আগাজত ডুব ডুব মেঘ ছাগা কত্তা কত্তা গরি ভাজি যার ঝলাগা ঝলগা মিদে মিদে বোইয়েরে, ঝাক ঝাক পেইখ হিজিক হাজাক...

হুদু যেবং; হুদু থেবং? নেই নিপরভা অন জাগা। হিল চাদেগাাঙত দিন দিন বারদন শুকুনর পাল আ কালা কবা। হুদু যেবং; হুদু থেবং? দিন্নু এলে পরান চোক চোক রেত্তো ডর ডর থর থর, হুদু গেলে পরান থোরেবং ভাবিনেই কুল ন পাঙর। কি চিদে গরিম? সংসার চিদে না, ঘর চিদে? ইন্দি অনসুর মোক পুঅ- ঝি’য়ে লাগাদন ত্চ্যা। পুঅ ছা’উনে মাগদন ভুত্তি তেঙা মোক্কু মাগর কাপড় চোবর, সমাচ্ছু আগে বেআদাল্যেে উবান আগে গরিবং। চোগে রিনি ন’ পাচ্ছে ভূইয়ো মাদ বুক জুরোনি বাগান মুরো, ইক্কে আমার কিচ্ছু নেই আগে বানা ভুলোঙ ডুবো। ইন্দি দ্য উন্দি দেনা ইনকাম নেই কন কিত্তেে উবয় নেই বাপ ভেই লক, ইদু থেলে মরিবং কেঙগল ডুব লাত্তে লাত্তে। দেচ কুলত নিপরভা নেই পরঙ যেবার চাং ভারোদত, সিদুয়ু তারা গম নেই বেক্কান এক্কান তলে আগাজর। মনে মনে বার্মা ইদু কঙয়ো থিদব্বরী তারায়ু নিজ সাহিত্য সংস্কৃতি আযে ফেল্লোন, আরেয়োন ভাচ- অঝাপাত ন মিলের অন হিত্তে। ইয়ান উবান ভাবদে ভাবদে আহদ তাগল ন’উদে আহদত, এক দিন গেলে এক দিন চিদেে হিঙরি কেনে বাজিবং। জানুয়ারি ২, ২০১৭ Injeb Changma  

ক্যাপশন যোগ করুন হুদু আগি; হুদু থেবং নেই পত্য বাজি থেবার পদে ঘাদে ন’ পারে বেড়েই নিঘিরে পচা বাজ। জাদর অধীকার পেবার নাঙে এ খেলা ভেইয়ে ভেইয়ে মারামারি ইয়ানদ চিগোন গুর খেলা আরাঙ সুওল(ন্যায় প্রতিবাদ) নিলা কারি\ দিন রেত আবাঙ নেই গরি এত্তন বাঙাল তপ্পে তপ্পে তুমি আগ রেনারেনি গরি মা’মেদেনি মু’হত কেনে আজি ফুদেবে? ধ্যানি জ্ঞানী চোক নেই সত্য কধা কোই ন’পারে ঘরত্তুন লামিবার ডর ডর থর থর অনসুর থায় চিদে\ ঘর ফুরে আদাম ফুরে করল্লো(ক্ষতিগ্রস্থ) হদন জুম্মউন কারে নিনেই বুগ ডর গরি থানা নেই তারার অন সুওল(প্রতিবাদ)\ রাজনীতি নাঙে শত শত মা’বুক সারাল্যা(খালী) দিঘীনেয়ো ন দেঘন তারা হিঙরি মানুচ কোম তমারে? ইয়ুন সমাজত ঘুরি ফিরি ঘর শত্রু বিভিষন তারারে বেগে চিনি থ কুরি ন’ পেলেবা অন দিন\ ডিসেম্বর ৩১, ২০১৬ Injeb Changma  

২৫-২৬নভেম্বর ২০১৬খ্রি: পা: চ: ২য় আদিবাসী লেখক সম্মেলন। গম গম গিয়ানি-গুনি মানচ্ছে কন্ “আমি(চাঙমা) বালা ন’অবঙ আই, বচ্ যেই পরেলং।” আজলে অয়, আমল গুরি ভাবিলে বুক্ দিবেদিপ্পে অই এজে। ভাত্ পানি ন’রুজে। তদা পানি সোগে এজে। দুক্-কাম্ ইদোত ন’উদে, আহদ তাগল ধুরিবার মনে ন’ অয়। যনি এক্কা পিজেদি রিনি চেই সালেন দিঘিবঙ, বুজি পারিবং। ১৯৯৭ খ্রি: ডিসেম্বর ২ তারিখত্ পার্বত্য চুক্তি অনার্ পর পর দেচকুলত্ পরান পিরি এস্যে। সক্কে হিলর্ নানু মরা মানেইউনে দোল দোল ঘর্, বাগান তুলো ধরলাক্। শরনার্থীউনে দেচকুলত ফিরি এলাক। আনুনি নুনচো ভাত খেই ফেলেয়ু মু’ পোতপোত্যা, আজি কলক কলক। বেগে আজা গচ্ছোন কামাক্কাই নিপরভা গরি থেই পারিবাক। ঘরে ঘরে কলরব। পেইক কিজিক কাজাক আ রাদা দাগে ঘুম ভাঙে। কধ গেলে পরোন সুক এক্কা অলেয়ু ফিরি এস্যে। সাচ লামি রেত অলে অাগ দিন সান আজু নানু দাগি পজ্জন শোনে শোনে নাদিন পুদিনরে ঘুম নেগেদাক। মাত্তর অল কি! এ আজা, এ সবন বেজ তিদব্বর ন’অয়। বান্দর কপাল তারেঙত গুয়ো কপাল সুরুঙত। বাঙালা দেচ সাধিন অনার(পল্রে ঘর যুদ্ধ) পর দর এল বানা বাঙালুন। ইক্যে! ইক্যে দর আর্মি-বাঙাল আ জাত ভেইয়ুন। জ্ব...

ও আমা আওজর দেচছান বেক্কুনে তরে কোচপান, বেক্কুনে জনমান ত বুগত বাজি থেবার চান। জনমান বাজি থেবার চান মনর সুগে গীত গান, পেক্খুনে মনর সুগে ডুঅ মিলি উড়ি উড়ি যান। জনমান তুই আমারে কুলি ন’গরচ তর সিয়েন আগে সিয়ান দ্যুচ, আমারে তুই বেক্কুনরে কোচপানা সিগেয়োচ। রেত্তু এলে নানাঙ পুগে-জুকে ডগরন মন সুগে, বেক্কুনরে চাচ্ তুই সুগে আর দুগে। গাজ হুলুঙত বোই পেজাবু হুল হুলোই, পহর অয়ে পহর অয়ে ঘুমত্তুন উদ উদো। চিগোন পেইক্কুন চিরিং চারাং ডগরন আল্যা মানচ্যা আলত্ যাদন, মিলে মরদ মনর সুগে ভুইয় মাদন কাম গত্তন। আমা আওজর দেচছান গাজে বাজে বেক্কান, মনে মনে রিনি চাং আমা দেচজান ধক্যে ন পাঙ। গাজে বাজে ভরা মোন মুড় গড়া মনর সুগে এ দেজত জনমান বাজি থেই পারা। ডিসেম্বর ২৭, ২০১৬ Injeb Changma  

ক্যাপশন যোগ করুন আমা দেচ্ছান্ এধক হি দোল্ মোন্ মুড় ছড়া গাঙে ভরা, এ দেচ্ছান্ হিল্ চাদেগাঙ সানে’চিক্যে রূপে রঙে ভরা। এ দেজত্ জনম্ আমার্ পূর্ণ অল মন্ আঝা। একশ বজর ধুরি লেং-পিড়িল্লে নেই ইক্যে আগ চেঙেরা, চিঙে ঢুধুক্ হেঙগরং আ আজি ন’ফুদে বানা চোগ পানি ধারা ধারা। এ দেজত্ বিজয়গিরি-রাধামন্ এলাক কধক দোল, এম. এন. লারমা মরি যানার জাত্তু অল জোল্। ভেইয়ে ভেইয়ে রুগরুক্যা ভাজি যার এদেচ্ছান্, সুদ্ধ-সাঙ্গ হিল চাদেগাঙ নেই আর আগ সান্। ডিসেম্বর ২৫, ২০১৬ Injeb Changm

ক্যাপশন যোগ করুন ‘‘হি আঝা গরির, হি অর্! হি সভনে দিঘি, পত্তমে হি পের্। ও ভগবান হিত্তে তুই মরে কান্ পাদে নদিলে, হিত্তে মরে কাল্ পাদে ন দিলে। ইয়ানি ন’দেঘঙ পারা, ইয়ানি ন’শুনঙ পারা। এম্বা হিয়ে অয়ায়েদে এয এধক্যে হিয়ে জিক্জিকাইদে ঘটনা ম’ চোগত ন’পরে ভেইয়ে ভেইয়ে এধক্যে গরি কাবা-কাবি।’’ এই কধানি মর নয়। গেল্লে ১৩/১২/২০১৬খ্রি: মঙ্গলবার রেদোত্ কাজালঙ বঙ্গতলিত্ গমি যিয়ে ঘটনা ফটোউন দিঘি দিঘি ধারা ধারা চোগ পানি ফেলে ফেলে কল বেগর মা মেদেনি হিল চাদেগাঙ। তার এক বুগ আবিল্যাজ। তা’পুঅ/ছাউনরে বোঝে ন’পারের। তার বুগত অনসুর দুগর তুবোল বেই যার। দ্বি’চোগ বারিষ্যা দেবাসান। এক্কু মা তিগুচ্যা আঝা গরে, ‘‘তা’ পুঅ ছা’উন রাম-লক্কণর সান অনসুর কোচপানা থিদ ওক। আলুল্লো-দুলুল্লো সাত নাল্ সুধোলোই বেরাবেচ্যা গরি এ জীংকানি গঙেদি আর এক জীংকানিত পর জীংকানি ভেইয়ে ভেইয়র কোচপানা থেপ্থেপ্যা গরি থোক, রাণ্যা সুদগোলা সান্ ফুদি থোক অনসুর। এধক্যে গরি থেবার তিগুচ্যা গোজেন বদ্ধত্তুন তবনা গরে। মুই সত্য যুগ্ লাগ্ ন’পাঙ। মাত্তর, তা বিজক ম’ আজুত্তুন শুন্নং। সে পাচ ভেই পাণ্ডব কধা সে রাম – লক্কণ কধা। পাচ ভেই ...

এ ম. এন. লারমা চেঙেই মিঙিনি কাচালং বরগাঙ শঙ্খ মাতামুখুরী, চর চর জর জর গুরি হুদু যর কোই দেঘোই আমা কধানি। বিজয় গিরি আয় রাধামন, শিবচরন আয় লারমা তুমি নুয়োগুরি জনম লগি এদেজত এজাদত জাত্তোরে এরান গরয়ি। বিজয়গিরি রাধামন যক্যে এল আমল এ্যাইল এ্যাইল মোন মুড়ত নানাঙ পেগেই তুলিদাক সুর গাজে গাজে থুব থুব ফুদিদাক ফুল, সে দেজর, সে জাদর আজি গেল সুগ লারমা তুই যেন্যাই লুগি। একদিন এলং রাজা, কলং প্রজা এলং প্রজা- এস্যে তিন্নু কেদাকতুক আমি এদুগ বুগ ছিড়ি ন’পারে দেঘেই বেন্যা লামিলে ঘরত্তুন বেল্যা ছলং অই এযি ফিরি। ডিসেম্বর ২৭, ২০১৬ Injeb Changma  

১৭ ডিসেম্বর ২০১৬খ্রি: পাবলাখালী কৃপাপুর সঃ প্রাঃ ইশকুলত চাঙমা লেঘা সার্টিফিকে বিতরণ অনুষ্ঠান। ‘‘নিজ’ ভাচ, নিজ’ লেঘা, নিজ’ গীত- ন’ জানিলে ন’ থায় চিত্’’ -এই নক্বাচ্যা কধাআনর মেইত্ আমি এয ন’বুঝি, বুঝিবার ন’ চেই। সিত্তেই জাদর দুক্ক-দযা তিগুচ্যা বিনি আধা গুরি বাজি আগে। এচ্যা আমার বেক্কান রাদ। পানি রাদ্, ভাদ রাদ্, শিক্ষে রাদ্ আ চিকিচ্ছে রাদ্ আহ্ জাগা রাদ্। কধ গেলে রাদর কন থুম নেই। মুই এ’বজর(এপ্রিল ৪, ২০১৬ইং) ২৮নং রেংকার্য্যা মুউজ পাগলা মাজন্ আদামত্ চাঙমা লেঘা শেঘানা পোইদেনে সে আদামত্ যিয়োঙ। পাকালা মাজন্ কার্বায্যা দাঙগু লক্ষী বিকাশ চাঙমালোই মুজুঙো-মুজুঙি হলুঙ। তাত্তুন পুজোর্ গরল্লে তেহ্ কল, ‘‘আমার্ ভাদ্-পানি রাদ্।’’ আজলে মুই আঝা গচেছাঙ তেহ্ জাদর লেঘা, চাঙমা লেঘা শিঘানা রাদ কধা কব। আ মুইয়ু সিয়ান্ আঝা গরানা বজং বাদে কিচ্ছু নয়। আমা সমাজত্ এই কধায়ান ভাহদ গুরি কন্ ‘‘পেত্ থিক্ দনিয়ে থিক।’’ যে জাগাত্ ভাদ্-পানি রাদ্ সে জাগাত্ অন্য কিজু আঝা গরানা নিজরে হেমান সান্ ভাবঙর্। নানাঙ কধাবাত্তায় হবর পেলুং তারা সিয়োত(মেরুং ইউনিয়নর ভিদিরে) কায়-কুয় গুরি তিনান্ আদাম আগে(পাকাল...

𑄌𑄋𑄟 𑄣𑄮𑄇𑄴 𑄥𑄦𑄨𑄖𑄳𑄠𑄧 “𑄚𑄧𑄢𑄧𑄛𑄪𑄘𑄨 𑄛𑄣” (𑄗𑄮𑄝𑄨𑄠𑄳𑄠𑄧- 𑄃𑄨𑄚𑄴𑄎𑄬𑄝𑄴 𑄌𑄋𑄴𑄟 𑄌𑄢𑄪) (𑄷) 𑄛𑄧𑄖𑄴𑄗𑄧𑄟𑄬 𑄥𑄣𑄟𑄴 𑄘𑄳𑄠𑄪𑄋𑄴 𑄉𑄮𑄎𑄬𑄚𑄴 𑄃𑄪𑄎𑄪, 𑄉𑄨𑄠𑄚𑄩-𑄙𑄳𑄠𑄚𑄩 𑄗𑄬𑄋𑄧𑄖𑄴 𑄏𑄪! 𑄏𑄧!! 𑄏𑄪!!! 𑄜𑄪𑄣𑄴 𑄖𑄪𑄣𑄨𑄘𑄳𑄠𑄪𑄋𑄴 𑄃𑄣𑄟𑄴; 𑄛𑄧𑄐𑄴𑄌𑄧 𑄥𑄧𑄞𑄢𑄬 𑄘𑄳𑄠𑄪𑄋𑄴 𑄥𑄣𑄟𑄴𑅁 𑄥𑄣𑄟𑄴 𑄎𑄚𑄬𑄃𑄨 𑄢𑄌𑄴𑄛𑄪𑄢𑄩, 𑄞𑄧𑄇𑄴𑄖𑄨𑄠𑄬 𑄘𑄳𑄦𑄨 𑄦𑄖𑄴 𑄎𑄪𑄢𑄴 𑄉𑄪𑄢𑄨𑅁 𑄉𑄩𑄘𑄬 𑄢𑄬𑄋𑄬 𑄌𑄨𑄘𑄬 𑄟𑄫𑄣𑄴; 𑄜𑄪𑄣𑄴 𑄢𑄎 𑄚𑄇𑄴𑄥 𑄜𑄪𑄣𑄴𑅁 𑄚𑄇𑄴𑄥 𑄉𑄏𑄧 𑄢𑄨𑄝𑄁𑄥𑄪, 𑄘𑄪𑄣𑄮𑄚𑄴 𑄝𑄪𑄚𑄨 𑄇𑄬𑄢𑄬𑄋𑄴 𑄎𑄪𑅁 𑄇𑄬𑄢𑄬𑄋𑄧𑄎𑄪 𑄘𑄪𑄣𑄮𑄚𑄧𑄖𑄴 𑄛𑄪𑄃𑄧 𑄇𑄚𑄬, 𑄘𑄪𑄌𑄴-𑄉𑄪𑄕𑄧 𑄈𑄬𑄟 𑄌𑄠𑄴 𑄚𑄮𑄠𑄢𑄟𑄬𑅁 𑄖𑄉𑄧𑄣𑄴 𑄙𑄢𑄬𑄃𑄨 𑄈𑄮𑄢𑄴 𑄥𑄨𑄣𑄧𑄖𑄴, 𑄝𑄧𑄌𑄴𑄎𑄨 𑄥𑄳𑄦𑄧𑄢𑄧𑄥𑄧𑄖𑄴𑄨 𑄟𑄧 𑄎𑄨𑄣𑄧𑄖𑄴𑅁 𑄘𑄉𑄧𑄋𑄴 𑄝𑄮𑄎𑄬𑄃𑄨 𑄜𑄪𑄣𑄴 𑄊𑄧𑄖𑄴, 𑄥𑄪𑄢𑄬 𑄎𑄮𑄉𑄬𑄃𑄨 𑄘𑄬 𑄉𑄩𑄘𑄧𑄖𑄴 𑄛𑄧𑄖𑄴𑅁 𑄚𑄧 𑄃𑄬𑄡𑄮𑄇𑄴 𑄉𑄩𑄖𑄴 𑄥𑄪𑄢𑄴 𑄎𑄮𑄣𑄴 𑄉𑄪𑄢𑄨𑅁 𑄃𑄬𑄎𑄮𑄇𑄴 𑄥𑄪𑄢𑄬 𑄥𑄪𑄢𑄬 𑄘𑄮𑄣𑄴 𑄉𑄪𑄢𑄨𑅁 𑄙𑄧𑄚𑄪 𑄥𑄨𑄉𑄢𑄩 𑄙𑄧𑄣𑄳𑄠𑄧 𑄥𑄬𑄣𑄴, 𑄏𑄝...

এম. এন. লারমা মানবেন্দ্র নারায়ণ লার্মা মঞ্জু এক্কান্ ইদোত্ গাদে রাঘেবার্ নাঙ্ পিত্তিমীত্ অজল্-দাঙর নাঙ্। জুম্ম জাদর পাত্থলী, নানুনেই(অধিকারহীন) আট লÿ পাচলিস্নচ আজার পাচ’শ একচলিস্নশ জন (১৭ জুলাই ১২ইং প্র:আলো) জুম্ম জনগণর মআনদেচ প্রেত্যা, তেচত্ পেরাশানি খেইয়্যা মানুযর্ নিধুক্তুক্ (একমাত্র) চিতথুম্ আ জুম্ম জনগণর নিধুক্তুক্ রাজনৈতিক জধা জন সংহতি সমিতি প্রতিষ্ঠাতার নাঙ। নাবুংু নবুং, ছারানাধা, টেম্টাম্ দজ্ ভাচ্ এগারবু জাদর জধার নিঝেনী নাঙ, মানবর ইন্দ্র মানবেন্দ্র নারায়ণ লার্মা; জুম্ম জাদর জধার তাত্ত্বিক থম্(ভিত্তি)র নাঙ। লার্মা ১৯৩৯, ১৫ সেপ্টেম্বর রাঙামাত্যা নানিয়েচর থানাত, বুড়িঘাট মুউজ মহাপরম্নম আদামত এক্কু থানেথমগে ঘরত জনম লুয়্যা। তা’বাপ্পু চিত্ত কিশোর চাঙমা এল শিÿক আ ধর্মগুরম্ন,মা’বু নাঙ এল সুভাষিনী দেওয়ান। তারা চের ভেই-বোনর মধ্য তেয়্যু তিন নম্বরত। তা’বর ভেই শুভেন্দু প্রবাস লার্মা(২), বর বোন জ্যোতিপ্রভা লার্মা(১),আ বগের নোনিয়্যা ভেই জ্যোতিরিন্দ্র বোধি প্রিয় লার্মা(৪)। লার্মা ১৯৫৬ সালত রাঙামাত্যা হাই ইশকুলত পড়ার অক্তত পাহাড়ী ছাত্র অন্যতম্উদ্যোত্তা হিজেবে কাম গচ্...

সেপ্টেম্বর ১৬, ২০১৬ Injeb Changma নিজো লেগা একদিন ননাধনর মোক্কু উজানি গাঙহত যেন্যাই পানি পিলেত ইক্কু ব্যাঙ সমে ইচয্যা। তা’ ঝী’বু ম্যায়েবী কিযেকিচ্ছে গরি ভাত্ পাত্ দ্যেদে সে পিলেবু পাআত দিল্। ইন্দি পানিআন গরম অদে ব্যাঙুয়্যু গরম পার আ গায়সয়ে থেদ চায়। যুনিয়্যু ফাল্লেনেই যেবার ব’থেলেয়্যু যেবার ন’চায়। তে, গায়সয়ে আগে। পানিয়ান বেজত্তুন বেচ্ গরম্ অদে তেহ্, আ গায়সয়ে ন’পারের্। তে, ফাল্লে যেবার্ আওজ এল। মাত্তর, সক্কে তার আর্ ফাল্লেবার বল্ নেই আর্। পানিআন ববক্ ববক্ ওদোরার্ সক্কে উজানি চাইদ্যা ইক্কু ব্যাঙ! ইক্কে যুনি পুজোর গরা অয়, ব্যাংঙু কিত্যাই মরল্ল? – বেগে গেচগেজে কবাক্ গরম পানিত্যাই। মাত্তর্, তেহ্ গরম পানিল্লাই ন’মরে। তে মচ্যে সময় থাগত্যা পাল্ ন দেনার। সিত্যাই দাঘে কোই যিয়োন, “ সময় তাগথ্যা আহ্দ, জুল তাগথ্যা গাাদ”।

সেপ্টেম্বর ৩, ২০১৬ Injeb Changma   জুম ঘর হাগারা ছরি,রাঙামাত্য আ বান্দরবন্ এই তিন্নু জেলারে হিল্ চাদেগাঙ বা জুম্মল্যা- হোই। এগ্ কালে এদেজত্ সু-দিন,সু-মাধান এল;এল আলুলেস্না-দুলুলেস্না, বিশ্চেস্ আ হোচপানায় তজিপুর। যে জীংহানি খুউব ইদোত্ গাদে রাঘেবার;সে চিকোন সুদ নালে বেরাবেচ্যা জীংহানি। দুগ্ আরে অয়্, চিদে চচযা হি জিনিস অগর ন’পেদাক্ সে কালর্ গাবুয্যা প্রজন্মউনে।ন’দ এল অবাভ অনথন্।দ্বি’পয্যা মাধান্ ফাগোন্ চৈত্ মায্যা অক্তত মাছ-আঙারা থোগেই বববববববা গাজ ছাবাত্ ঘিলে-নাঢেং হারা খেলে খেলে গীদে রেঙে দিন থড়ে দাক্। মোন্-মুড় এলাক্ আগাব্ বলা(উবর্বর)। ছরা ছরি এল জালাববর। পেইখ হিজিক্ হাজাকে দিন্ শুরম্ন অয়,রেত্ শুরম্ন অয় আজু-নানু পজ্জন্ শুনি শুনি ঘুম্যেই। মোন্ ঘরত্ ইজোরত্ মাধাত্ বোই ধুদুক্, হেংগরং,ওয়াতে ওয়াতে চিঙে র’য়ে মোন্-মুড় গুজুরিদ। নাঢেং পত্তি পেইখ সান্ এল্ উলমত্ত জীংহানি, নেই ধরা বাধা। তুথুর্ তুথুর ঘুরি ঘুরি নাঙেল পিদিত্ উব গীদে ভরি তুলি দাক্।সিত্তেই দাংগু রনজিত্ দেবানে সুর্ তুলি গাই:- ন’চাং যেবার জাগান্ ছারি ...

চেঙেই মিঙিনি কাচলঙ বড়গাঙ শঙ্খ মাতামহুরী চর চর ঝর ঝর গুরি হুদু যর কোই দেঘোই আমা কধানি। বিজয় গিরি রাধামন শিবচরণ আয় লারমা তুমি, নুয়ো গরি জনম লৈ এদেজত এ জাদত জাত্তোরে এরান গরঘি। বিজয় গিরী রাধামন যক্যা এল আমল এ্যাইল এ্যাইল মৌন মুড়ত নানাঙ পেগেই তুলিদাক সুর গাজে গাজে থুব থুব ফুদি দাক ফুল, সে দেজর, সে জাদর আজি গেল সুগ লারমা তুই যেন্যাই লুগ। একদিন এলং রাজা, কলঙ প্রজা; এলঙ প্রজা- এচ্যা তিন্নু কেদাকতুক আমিি এ দুগ বুক ছিরি ন’পারে দেঘেই বেন্যা লামিলে ঘরত্তুন বেল্যা লাশ অই এযি ফিরি। সেপ্টেম্বর ১, ২০১৬ Injeb Changma