 |
𑄛𑄪𑄢𑄴: 𑄷𑄺 𑄟𑄢𑄴𑄌𑄧 𑄸𑄶𑄸𑄼 𑄈𑄳𑄢𑄨.
𑄛𑄢𑄴𑄝𑄧𑄖𑄳𑄠𑄧 𑄞𑄨𑄇𑄴𑄥𑄪 𑄥𑄧𑄁𑄊𑄴 𑄝𑄁𑄣𑄘𑄬𑄌𑄴 𑄈𑄧𑄝𑄧𑄢𑄴: 𑄛𑄪𑄢𑄴: 𑄷𑄺 𑄟𑄢𑄴𑄌𑄧 𑄸𑄶𑄸𑄼 𑄈𑄳𑄢𑄨.
𑄛𑄮𑄃𑄨𑄘𑄳𑄠𑄚𑄴: 𑄘𑄋𑄧𑄢𑄴 𑄟𑄚𑄴𑄝𑄧𑄣 𑄻𑄟𑄧 𑄥𑄧𑄁𑄊𑄧𑄢𑄎𑄴 𑄞𑄧𑄘𑄧𑄚𑄴𑄖𑄧 𑄛𑄳𑄢𑄧𑄉𑄴𑄉𑄚𑄧𑄚𑄴𑄘𑄧 𑄟𑄧𑄦𑄗𑄬𑄢𑄧 “𑄑𑄳𑄢𑄥𑄴𑄑𑄴” 𑄝𑄚𑄚 𑄇𑄟𑄚𑄧𑄢𑄬 𑄌𑄋𑄴𑄟 𑄥𑄦𑄨𑄖𑄳𑄠𑄧 𑄃𑄬𑄇𑄓𑄬𑄟𑄨𑄢𑄴 𑄛𑄖𑄴𑄪𑄢𑄪𑄖𑄪𑄢𑄪 𑄃 𑄃𑄧𑄖𑄣𑄨𑄠𑄬 𑄦𑄬𑄁𑄇𑄪𑄢𑄴𑅁
𑄈𑄧𑄝𑄧𑄢𑄴-
𑄛𑄢𑄴𑄝𑄧𑄖𑄳𑄠𑄧 𑄞𑄨𑄇𑄴𑄈𑄪 𑄥𑄧𑄁𑄊𑄴 𑄝𑄁𑄣𑄘𑄬𑄏𑄧𑄢𑄴 𑄃𑄨𑄢𑄪𑄇𑄴 𑄻𑄟𑄧 𑄟𑄧𑄦𑄟𑄚𑄳𑄠𑄧 𑄥𑄧𑄁𑄊𑄧𑄢𑄎𑄴 𑄞𑄧𑄘𑄧𑄚𑄴𑄖𑄧 𑄛𑄳𑄢𑄧𑄉𑄴𑄉𑄚𑄧𑄚𑄴𑄘𑄧 𑄟𑄧𑄦𑄗𑄬𑄢𑄧 𑄛𑄫𑄎𑄳𑄠𑄧 𑄃𑄨𑄢𑄪𑄇𑄴 𑄢𑄎𑄴𑄘𑄉𑄧𑄚𑄨 𑄘𑄨𑄠𑄳𑄠, 𑄖𑄬 𑄚𑄨𑄎𑄧𑄖𑄴𑄪𑄚𑄴 𑄻𑄶 𑄣𑄇𑄴 𑄖𑄬𑄋 𑄘𑄨𑄝𑄧 𑄃𑄬𑄇𑄴𑄮 𑄑𑄳𑄢𑄥𑄴𑄑𑄴 𑄝𑄚𑄚𑄢𑄴𑅁 𑄝𑄉𑄨 𑄻𑄶 𑄣𑄇𑄴 𑄖𑄬𑄋 𑄗𑄮𑄝𑄬𑄝𑄢𑄴 𑄞𑄚𑄴𑄖𑄬𑄘𑄊𑄨𑄢𑄬 𑄇𑄟𑄴 𑄞𑄢𑄴 𑄘𑄨𑄠𑄳𑄠𑅁
𑄛𑄫𑄎𑄳𑄠𑄧 𑄞𑄚𑄴𑄖𑄬𑄢𑄴 𑄃𑄬 𑄘𑄋𑄧𑄢𑄴 𑄘𑄮𑄣𑄴 𑄇𑄟𑄚𑄧𑄢𑄴 𑄃𑄪𑄌𑄴𑄮𑄟𑄨 𑄃𑄪𑄘𑄨 𑄞𑄣𑄧𑄇𑄴𑄎𑄧𑄚𑄴 𑄞𑄚𑄴𑄖𑄬 𑄃𑄨𑄋𑄨𑄣𑄳𑄠𑄧 𑄚𑄨𑄎𑄧𑄖𑄴𑄪𑄚𑄴 𑄘𑄚𑄴 𑄘𑄨𑄝𑄢𑄴 𑄇𑄧𑄙 𑄇𑄧𑄣𑄇𑄴𑅁 𑄇𑄧𑄚𑄧 𑄇𑄧𑄚𑄧 𑄞𑄚𑄴𑄖𑄬 𑄷 𑄣𑄇𑄴, 𑄻𑄶 𑄃 𑄸𑄶 𑄦𑄎𑄢𑄴 𑄖𑄬𑄋 𑄉𑄧𑄢𑄨 𑄘𑄨𑄝𑄢𑄴 𑄈𑄟𑄴 𑄈𑄬𑄣𑄇𑄴𑅁
𑄃𑄬 𑄑𑄳𑄢𑄥𑄴𑄑𑄴𑄪𑄚𑄴 𑄡𑄬 𑄖𑄬𑄋 𑄟-𑄝𑄛𑄴 𑄚𑄬𑄃𑄨, 𑄚𑄙 𑄟𑄬𑄙𑄝𑄨 𑄛𑄧𑄢𑄴𑄝𑄮𑄠𑄘𑄊𑄨𑄖𑄳𑄠𑄭, 𑄙𑄧𑄢𑄴𑄟𑄧 𑄃 𑄎𑄘𑄧𑄢𑄴 𑄞𑄣𑄬𑄘𑄨𑄖𑄳𑄠𑄭 𑄈𑄧𑄢𑄧𑄌𑄴 𑄉𑄧𑄢𑄨𑄝𑄢𑄴 𑄇𑄧𑄙 𑄇𑄧𑄣𑄇𑄴𑅁 𑄃𑄬 𑄝𑄝𑄧𑄖𑄳𑄠𑄭 𑄇𑄟𑄚𑄨 𑄎𑄖𑄴 𑄃 𑄥𑄧𑄟𑄏𑄧𑄢𑄴 𑄞𑄣𑄬𑄘𑄨 𑄃𑄬𑄡𑄬 𑄃 𑄘𑄋𑄧𑄢𑄴 𑄃𑄪𑄛𑄧𑄉𑄢𑄴 𑄦𑄧𑄠𑄴𑅁
𑄌𑄋𑄴𑄟 𑄥𑄦𑄨𑄖𑄳𑄠𑄧 𑄃𑄬𑄇𑄓𑄬𑄟𑄨 𑄖𑄧𑄛𑄴𑄬𑄖𑄴𑄪𑄚𑄴 𑄃𑄟𑄨 𑄟𑄚𑄴𑄝𑄧𑄣 𑄥𑄧𑄁𑄊𑄧𑄢𑄎𑄴 𑄞𑄚𑄴𑄖𑄬 𑄃𑄬 𑄘𑄋𑄧𑄢𑄴 𑄇𑄟𑄚𑄧𑄢𑄬 𑄢𑄨𑄝𑄬𑄋𑄧𑄖𑄴𑄪𑄚𑄴 𑄛𑄖𑄴𑄪𑄢𑄪𑄖𑄪𑄢𑄪 𑄃 𑄃𑄧𑄖𑄣𑄨𑄠𑄬 𑄇𑄮𑄌𑄴𑄛𑄚 𑄎𑄚𑄬𑄢𑄴𑅁 𑄃𑄬 𑄇𑄟𑄚𑄨 𑄥𑄧𑄟𑄌𑄴 𑄃 𑄎𑄘𑄧𑄖𑄳𑄠𑄭 𑄘𑄋𑄧𑄢𑄴 𑄞𑄣𑄬𑄘𑄨 𑄃 𑄝𑄭𑄚𑄨 𑄉𑄧𑄢𑄬 𑄛𑄢𑅁
𑄛𑄢𑄴𑄝𑄧𑄖𑄳𑄠𑄧 𑄞𑄨𑄇𑄴𑄈𑄪 𑄥𑄧𑄁𑄊𑄧 𑄝𑄁𑄣𑄘𑄬𑄌𑄴 𑄖𑄨𑄉𑄪𑄌𑄳𑄠 𑄎𑄪𑄟𑄴𑄧 𑄎𑄖𑄴 𑄃 𑄥𑄧𑄟𑄌𑄴 𑄞𑄣𑄬𑄘𑄨𑄖𑄳𑄠𑄭 𑄃𑄧𑄟𑄧𑄦𑄧𑄘𑄧 𑄉𑄧𑄢𑄨 𑄣𑄬𑄊 𑄛𑄧𑄢 𑄥𑄨𑄊𑄚 𑄛𑄮𑄃𑄨𑄘𑄳𑄠𑄚𑄬 𑄇𑄟𑄴 𑄉𑄧𑄖𑄴𑄬 𑄌𑄮𑄊𑄧𑄖𑄴 𑄛𑄧𑄢𑄬𑅁 𑄃𑄟𑄨 𑄃𑄧𑄚𑄴𑄥𑄪𑄢𑄴 𑄖𑄧𑄝𑄧𑄚 𑄉𑄧𑄢𑄨, 𑄟𑄧𑄦𑄟𑄚𑄳𑄠𑄧 𑄥𑄧𑄁𑄊𑄧𑄢𑄎𑄴 𑄞𑄚𑄴𑄖𑄬𑄢𑄴 𑄃𑄬 𑄇𑄟𑄚𑄴 𑄞𑄣𑄬𑄘𑄨 𑄃𑄮𑄇𑄴 𑄘𑄬𑄏𑄧𑄖𑄴, 𑄥𑄧𑄟𑄏𑄧𑄖𑄴 𑄝 𑄦𑄨𑄣𑄬-𑄦𑄨𑄣𑄨 𑄍𑄬𑄢𑄬 𑄛𑄳𑄦𑄧𑄢𑄴 𑄍𑄨𑄘𑄮𑄇𑄴𑅁
𑄎𑄧𑄠𑄧𑄖𑄪 𑄝𑄪𑄘𑄴𑄙𑄧 𑄥𑄥𑄧𑄚𑄧𑄟𑄴𑅁
𑄟𑄪𑄇𑄧𑄛𑄖𑄴𑄨
𑄃𑄨𑄚𑄴𑄎𑄬𑄝𑄴 𑄌𑄋𑄴𑄟 𑄌𑄋𑄴𑄟
𑄌𑄋𑄴𑄟 𑄥𑄦𑄨𑄖𑄳𑄠𑄧 𑄃𑄬𑄇𑄓𑄬𑄟𑄨
পার্বত্য ভিক্ষু সংঘ বাংলাদেচ খবর: পুর: ১৪ মার্চ ২০২৬ খ্রি.
পোইদ্যান: দাঙর মানবলা ৫ম সংঘরাজ ভদন্ত প্রজ্ঞানন্দ মহাথের ট্রাস্ট বানানা কামনরে চাঙমা সাহিত্য একাডেমির পাত্তুরুতুরু আ অতালিয়ে এ্যাংকুর।
খবর-
পার্বত্য ভিক্ষু সংঘ বাংলাদেঝর ইরুক ৫ম মহামান্য সংঘরাজ ভদন্ত প্রজ্ঞানন্দ মহাথের পূজ্য ইরুক রাজদাগনি দিয়্যা, তে নিজত্তুন ৫০ লাক তেঙা দিব এক্কো ট্রাস্ট বানানার। বাগি ৫০ লাক তেঙা থোবেবার ভান্তেদাঘিরে কাম ভার দিয়্যা।
পূজ্য ভান্তের এ দাঙর দোল কামানর উচ্চোমি উদি ভালকজন ভান্তে ইঙিল্য নিজত্তুন দান দিবার কধা কলাক। কন কন ভান্তে ১ লাক, ৫০ আ ২০ হাজার তেঙা গরি দিবার খাম খেলাক।
এ ট্রাস্টত্তুন যে তেঙা মা-বাপ নেই, নাধা মেধাবি পর্বোয়াদাঘিত্যাই, ধর্ম আ জাদর ভালেদিত্যাই খরচ গরিবার কধা কলাক। এ বাবত্যাই কামানি জাত আ সমাঝর ভালেদি এযে আ দাঙর উপগার অহ্’য়।
চাঙমা সাহিত্য একাডেমি তপ্পেত্তুন আমি মানবলা সংঘরাজ ভান্তে এ দাঙর কামানরে রিবেঙত্তুন পাত্তুরুতুরু আ অতালিয়ে কোচপানা জানের। এ কামানি সমাচ আ জাদত্যাই দাঙর ভালেদি আ বাইনি গরে পারা।
পার্বত্য ভিক্ষু সংঘ বাংলাদেশ তিগুচ্যা জুম্ম জাত আ সমাচ ভালেদিত্যাই অমহদ গরি লেঘা পড়া শিঘানা পোইদ্যানে কাম গত্তে চোঘত পরে। আমি অনসুর তবনা গরি, মহামান্য সংঘরাজ ভান্তের এ কামান ভালেদি ওক দেঝত, সমাঝত বা হিলে-হিলি ছেরে পহ্’র ছিদোক।
জয়তু বুদ্ধ শাসনম।
মুকপাত্তি
চাঙমা সাহিত্য একাডেমি
.png)
কোন মন্তব্য নেই:
একটি মন্তব্য পোস্ট করুন